സഖാവ് ആര്യ രാജേന്ദ്രന് അഭിനന്ദനങ്ങള്: തിരുവനന്തപുരം മേയറെ അഭിനന്ദിച്ച് കമല് ഹാസന്
തിരുവനന്തപുരം മേയറായി സ്ഥാനമേറ്റ ആര്യ രാജേന്ദ്രനെ അഭിനന്ദിച്ച് തമിഴ് ചലച്ചിത്രതാരവും രാഷ്ട്രീയ നേതാവുമായ കമല് ഹാസന്. സോഷ്യല് മീഡിയയിലൂടെയാണ് കമല് ഹാസന് ആര്യയെ അഭിനന്ദിച്ച് പോസ്റ്റിട്ടത്. വളരെ ചെറുപ്പത്തില് തന്നെ തിരുവനന്തപുരം മേയറായി ചുമതലയേറ്റ സഖാവ് ആര്യ രാജേന്ദ്രന് അഭിനന്ദനങ്ങള്. തമിഴ്നാടും ഇത്തരത്തില് ഒരു മാറ്റത്തിനുള്ള തയ്യാറെടുപ്പിലാണ് എന്നും കമല് ഹാസന്.പറഞ്ഞു.
തിരുവനന്തപുരം കോര്പ്പറേഷനെ നയിക്കാന് സി.പി.എം ജില്ലാ സെക്രട്ടേറിയേറ്റ് തിരഞ്ഞെടുത്തത് ആര്യ രാജേന്ദ്രന് എന്ന ഇരുപത്തി ഒന്ന് വയസുകാരിയായ യുവ നേതാവിനെയാണ്. മേയര് സ്ഥാനത്തിനൊപ്പം പഠനവും കൂടി മുന്നോട്ട് കൊണ്ടു പോകണമെന്നാണ് ആര്യ രാജേന്ദ്രന് കരുതുന്നത്.
ആള് സെയിന്റ്സ് കോളേജിലെ ബിഎസ്സി മാത്സ് വിദ്യാര്ത്ഥിയായ ആര്യ എസ്എഫ്ഐ സംസ്ഥാന കമ്മിറ്റി അംഗവും, സിപിഎം കേശവദേവ് റോഡ് ബ്രാഞ്ച് കമ്മിറ്റി അംഗവും കൂടിയാണ്. ഇലക്ട്രീഷ്യനായ രാജേന്ദ്രന്റെയും എല് ഐ സി ഏജന്റായ ശ്രീലതയുടേയും മകളാണ് ആര്യ രാജേന്ദ്രന്.