ക്യാൻസർ രോഗികൾക്കു വേണ്ടി മുടി മുറിച്ചു നൽകി കുട്ടികൾ മാതൃകയായി

Ajith.A

30 November 2020 03:09 PM

തൃശൂർ: അമല മെഡിക്കൽ കോളേജിൽ നടത്തപ്പെട്ട "കേശദാനം സ്നേഹദാനം" ക്യാൻസർ രോഗം മൂലം മുടി നഷ്ടപെട്ട വർക്ക് വിഗ് നൽകുവാനും, മുടി ദാനമായി നല്കിയവർക്ക് ആദരവ് നൽകുന്നതിനായി നടത്തപ്പെട്ട പ്രോഗ്രാമിൽ മൂന്ന് പെൺകുട്ടികൾ.. മീനാക്ഷി മോഹൻ, മരിയ റോണാ, സോനാ ബിജു.... ഈ പന്ത്രണ്ടും പതിനഞ്ചും വയസു പ്രായമായ പെൺകുട്ടികൾ ക്യാൻസർ രോഗികൾക്കു വേണ്ടി മുടി മുഴുവൻ മുറിച്ചു കൊടുക്കുകയായിരുന്നു.

മുടി മുറിച്ചു നൽകുന്നത് ഒരു പുതിയ കാര്യമല്ലെങ്കിലും.... ഈ ചെറിയ പ്രായത്തിൽ.. കണ്ണാടിയിൽ ചന്തം നോക്കിയും... ചായം കെട്ടിയും നടക്കേണ്ട പ്രായത്തിൽ വേദനിക്കുന്നവരുടെ മുഖത്തു പുഞ്ചിരി വിടർത്താൻ ഇവർ നടത്തിയ മനോഹരമായ ദാനം ഏവരുടെയും അഭിനന്ദനം അർഹിക്കുന്നു. നമുക്ക് സാധിക്കുന്ന രീതിയിൽ വേദനിക്കുന്നവരുടെ മുഖത്തു പുഞ്ചിരി നിറയ്കാം.... പ്രകാശം പരക്കട്ടെ.