കണ്ണൂരില് വിദ്യാര്ഥിയെ മര്ദിച്ച സംഭവം: പ്രതിക്ക് ജാമ്യം
കണ്ണൂര്: കണ്ണൂരില് സഹപാഠിയായ പെണ്കുട്ടിയോട് സംസാരിച്ചതിന് സ്കൂള് വിദ്യാര്ഥിക്ക് മര്ദ്ദനമേറ്റ സംഭവത്തില് പ്രതിയായ ഓട്ടോ ഡ്രൈവര്ക്ക് ജാമ്യം. മുത്താറിപ്പീടികയിലെ ഓട്ടോ ഡ്രൈവര് ജിനീഷിനെയാണ് സ്റ്റേഷന് ജാമ്യത്തില് വിട്ടയച്ചത്. പാനൂര് പോലീസാണ് ജിനീഷിനെ അറസ്റ്റ് ചെയ്തത്.
കഴിഞ്ഞ ദിവസമാണ് സംഭവം നടന്നത്. പത്താംക്ലാസ് മോഡല് പരീക്ഷ കഴിഞ്ഞ് സഹപാഠിയായ വിദ്യാര്ഥിനിക്കൊപ്പം നടന്നുവന്നതിനാണ് ഇയാള് മര്ദിച്ചത്. സംഭവം പുറത്തായതിനെ തുടര്ന്ന് പാനൂര് സിഐയുടെ നേതൃത്വത്തില് പ്രതിയെ പിടികൂടുകയായിരുന്നു. കൈകൊണ്ടുള്ള മര്ദനമായതിനാല് കൂടുതല് വകുപ്പുകള് ഉള്പ്പെടുത്താനാകില്ലെന്നാണ് പോലീസ് നിലപാട്. സംഭവത്തില് ബാലാവകാശ കമ്മീഷനും കേസെടുത്തിട്ടുണ്ട്.