കുതിരാനില്‍ അപകടങ്ങള്‍ തുടര്‍ക്കഥയാവുന്നു; രണ്ടു വര്‍ഷത്തിനിടെ പൊലിഞ്ഞത് 37 ജീവനുകള്‍
രണ്ടു വര്‍ഷത്തിനിടെ 37 ജീവനുകളാണ് കുതിരാനില്‍ പൊലിഞ്ഞത്. അതില്‍ ഏറ്റവും ഒടുവിലത്തെതായിരുന്നു വ്യാഴാഴ്ച രാവിലെ നിയന്ത്രണം വിട്ട് ലോറി ഏട്ട് വാഹനങ്ങളില്‍ ഇടിച്ച് 3 പേര്‍ മരിച്ച സംഭവം.
കുതിരാനിലെ അപകട മരണങ്ങള്‍ക്ക് കേന്ദ്ര, സംസ്ഥാനസര്‍ക്കാരുകളും കരാര്‍ കമ്ബനിയും ഒരു പോലെ ഉത്തരവാദികളാണ്. മണ്ണുത്തി വടക്കാഞ്ചേരി ദേശീയ പാത ആറു വരിയായി പുനര്‍ നിര്‍മ്മിക്കുന്നതിന് 2009 ലാണ് കരാറിലേര്‍പ്പെടുന്നത്. കുതിരാനിലെ ഒരു കിലോമീറ്ററോളം വരുന്ന രണ്ട് തുരങ്കങ്ങള്‍ ഉള്‍പ്പടെ 28.5 കിലോമീറ്റര്‍ വരുന്ന കേരളത്തിലെ ആദ്യത്തെ ആറുവരിപാതയാണിത്. എന്നാല്‍, രണ്ടര വര്‍ഷം കൊണ്ട് പൂര്‍ത്തിയാക്കേണ്ട റോഡ് നിര്‍മ്മാണം പതിനൊന്നു വര്‍ഷമായിട്ടും പൂര്‍ത്തിയായിട്ടില്ലെന്നതാണ് വസ്തുത.
കാലങ്ങളായി അറ്റകുറ്റ പണി നടത്താത്ത ഇടുങ്ങിയ റോഡുകളും, ചെങ്കുത്തായ കയറ്റിറക്കങ്ങളും, വളവുകളും പണി പൂര്‍ത്തിയാകാത്ത തുരങ്കവും ഇതുവഴിയുള്ള യാത്ര ഏറെ ദുഷ്‌ക്കരമാക്കുന്നു. പാലക്കാട് തൃശൂര്‍ മേഖലയിലെ സ്ഥിരം അപകടമേഖലയായി കുതിരാന്‍ മാറി.
Related News
കുതിരാന്‍ തുരങ്കം ; ആഗസ്റ്റ് ഒന്നിന് ഒരു ടണല് തുറക്കുമെന്ന് മുഖ്യമന്ത്രി
കുതിരാന്‍ തുരങ്കത്തിന്റെ കോണ്ക്രീറ്റ് വാള് പാറവീണ് തകര്ന്നു