തീപിടുത്തത്തില് വീട് കത്തി നശിച്ചാല് 4 ലക്ഷം രൂപ ധസഹായം
തിരുവനന്തപുരം: തീപിടുത്തത്തില് വീടുകള്ക്ക് ഉണ്ടാകുന്ന നാശനഷ്ടങ്ങള്ക്ക് സര്ക്കാര് ദുരിതാശ്വാസ നിധിയില് നിന്നും അനുവദിക്കേണ്ട നഷ്ടപരിഹാരത്തുകയുടെ കാര്യത്തില് അന്തിമ തീരുമാനമായി. വീടുകള്ക്ക് കാര്യമായ നഷ്ടം സംഭവിച്ചാല് പരമാവധി ഒരു ലക്ഷം രൂപയും വീട് പൂര്ണ്ണമായി കത്തിനശിച്ചാല് നാലുലക്ഷം രൂപയും മുഖ്യമന്ത്രിയുടെ ദുരിതാശ്വാസനിധിയില് നിന്ന് ധനസഹായം നല്കാന് തീരുമാനിച്ചു.
തീപിടുത്തത്തില് 75 ശതമാനത്തിലധികം നഷ്ടം സംഭവിക്കുന്ന വീടുകളെ പൂര്ണ്ണമായി കത്തിനശിച്ചതായി കണക്കാക്കി നാലുലക്ഷം രൂപ നല്കും. ഇന്ന് ചേര്ന്ന മന്ത്രിസഭായോഗത്തിന്റേതാണ് തീരുമാനം.
ഇതോടൊപ്പം, കടല്ക്ഷോഭത്തില് വള്ളമോ ബോട്ടോ പൂര്ണ്ണമായി നഷ്ടപ്പെടുന്നവര്ക്ക് പരമാവധി രണ്ടുലക്ഷം രൂപയും വലയോ കട്ടമരമോ പൂര്ണ്ണമായി നഷ്ടപ്പെടുന്നവര്ക്ക് പരമാവധി ഒരുലക്ഷം രൂപയും മുഖ്യമന്ത്രിയുടെ ദുരിതാശ്വാസനിധിയില് നിന്ന് നഷ്ടപരിഹാരമായി നല്കും. ഇവ ഭാഗികമായി നഷ്ടപ്പെടുന്നവര്ക്ക് പരമാവധി ഒരുലക്ഷം രൂപയും നല്കാന് തീരുമാനിച്ചു.