![](/admin/images/uploads/blogs/20240628231909.jpeg)
പ്രചാരണം അടിസ്ഥാന രഹിതം; സര്ക്കാര് ആശുപത്രികളുടെ പേര് മാറ്റില്ലെന്ന് ആരോഗ്യ വകുപ്പ്
സംസ്ഥാനത്തെ സര്ക്കാര് ആശുപത്രികളുടെ പേര് മാറ്റുന്നുവെന്നത് അടിസ്ഥാനരഹിതമായ പ്രചാരണമാണെന്ന് ആരോഗ്യ മന്ത്രി വീണാജോര്ജ്ജിന്റെ ഓഫീസില് നിന്ന് അറിയിച്ചു. ജനകീയ ആരോഗ്യ കേന്ദ്രങ്ങള്, കുടുംബാരോഗ്യ കേന്ദ്രങ്ങള്, നഗര ജനകീയ ആരോഗ്യ കേന്ദ്രങ്ങള്, നഗര കുടുംബാരോഗ്യ കേന്ദ്രങ്ങള് എന്നിവ ഇനിയും ആ പേരുകളില് തന്നെ അറിയപ്പെടും. നെയിം ബോര്ഡുകളില് ആ പേരുകളാണ് ഉണ്ടാകുക. ബ്രാന്ഡിംഗായി കേന്ദ്ര സര്ക്കാര് നിര്ദേശിച്ച 'ആയുഷ്മാന് ആരോഗ്യ മന്ദിര്', 'ആരോഗ്യം പരമം ധനം' എന്നീ ടാഗ് ലൈനുകള് കൂടി ഉള്പ്പെടുത്തുകയാണ് ചെയ്യുന്നത്. മറിച്ചുള്ള പ്രചരണം തെറ്റാണെന്നും ആരോഗ്യ വകുപ്പ് അറിയിച്ചു.