സന്തോഷ്‌ ട്രോഫി: കേരളം ക്വാർട്ടറിൽ

News Desk

28 February 2024 10:28 PM

സന്തോഷ്‌ ട്രോഫി ഫുട്‌ബോളിൽ എട്ടാം കിരീടം തേടുന്ന കേരളം ക്വാർട്ടറിൽ. എ ഗ്രൂപ്പിൽനിന്ന്‌ ഏഴ്‌ പോയിന്റുമായാണ്‌ മുന്നേറ്റം. അരുണാചൽപ്രദേശിനെ രണ്ട്‌ ഗോളിന്‌ തോൽപ്പിച്ചതോടെയാണ്‌ കുതിപ്പ്‌. മുഹമ്മദ്‌ ആഷിഖും വി അർജുനും ഗോളടിച്ചു. കേരളത്തെ കൂടാതെ സർവീസസ്‌, ഗോവ, അസം ടീമുകളും ഗ്രൂപ്പിൽനിന്ന്‌ ക്വാർട്ടറിലെത്തി.

നിലവിലെ റണ്ണറപ്പുകളായ മേഘാലയയും ആതിഥേയരായ അരുണാചൽപ്രദേശും പുറത്തായി. ഗോവയോട്‌ മേഘാലയ ഗോളടിക്കാതെ പിരിഞ്ഞതോടെയാണ്‌ ഒരു റൗണ്ട്‌ മത്സരം ബാക്കിനിൽക്കെ ക്വാർട്ടർ ചിത്രം തെളിഞ്ഞത്‌. നാല്‌ കളിയിൽ ഒമ്പത്‌ പോയിന്റുള്ള സർവീസസാണ്‌ ഒന്നാമത്‌. ഗോവ (8), കേരളം (7), അസം (6) ടീമുകൾ യഥാക്രമം രണ്ട്‌ മൂന്ന്‌ നാല്‌ സ്ഥാനങ്ങളിലുമുണ്ട്‌. മേഘാലയക്ക്‌ രണ്ടും അരുണാചലിന്‌ ഒന്നും പോയിന്റാണ്‌.

Related News