ഐഎഫ്എഫ്കെ: ആദ്യദിനം 6000 കടന്ന് ഡെലിഗേറ്റ് രജിസ്ട്രേഷൻ
ഡിസംബർ 8 മുതൽ 15 വരെ സംസ്ഥാന ചലച്ചിത്ര അക്കാദമി തിരുവനന്തപുരത്ത് സംഘടിപ്പിക്കുന്ന 28–-ാമത് ഐഎഫ്എഫ്കെയുടെ ഡെലിഗേറ്റ് രജിസ്ട്രേഷന് മികച്ച പ്രതികരണം. ബുധനാഴ്ച രാവിലെ 10ന് രജിസ്ട്രേഷൻ തുടങ്ങി മണിക്കൂറുകൾക്കകം 6000ത്തിൽപ്പരം പ്രതിനിധികൾ രജിസ്റ്റർ ചെയ്തു. വിദ്യാർഥികളുടെ സജീവമായ പങ്കാളിത്തവുമുണ്ട്.
15 തിയറ്ററുകളിലായി നടക്കുന്ന മേളയിൽ 12000ത്തോളം ഡെലിഗേറ്റുകൾക്ക് പങ്കെടുക്കാം. www.iffk.in വഴി രജിസ്ട്രേഷൻ നടത്താം. ജിഎസ്ടിയടക്കം പൊതുവിഭാഗത്തിന് 1180 രൂപയും വിദ്യാർഥികൾക്ക് 590 രൂപയുമാണ് ഫീസ്. മുഖ്യവേദിയായ ടാഗോർ തിയറ്ററിലെ ഡെലിഗേറ്റ് സെൽ മുഖേനയും രജിസ്റ്റർചെയ്യാം.