രാജ്യത്ത് 2,71,202 പേര്ക്ക് കൂടി രോഗബാധ, ഒമിക്രോണ് ബാധിതര് ഉയരുന്നു
ന്യൂഡല്ഹി: രാജ്യത്ത് കൊറോണ പ്രതിദിന രോഗികളുടെ എണ്ണം മൂന്ന് ലക്ഷത്തോട് അടുക്കുന്നു. കഴിഞ്ഞ 24 മണിക്കൂറിനിടെ 2,71,202 പേര്ക്കാണ് പുതുതായി കൊറോണ സ്ഥിരീകരിച്ചത്.
ഇന്നലത്തെ പ്രതിദിന രോഗികളെക്കാള് 2,369 രോഗികളുടെ വര്ദ്ധനവാണ് ഇന്ന് രേഖപ്പെടുത്തിയിരിക്കുന്നത്. ഇതോടെ രാജ്യത്തെ ആകെ രോഗികളുടെ എണ്ണം 37,122,164 ആയി.
രാജ്യത്തിന് ആശ്വാസമായി രോഗമുക്തി നേടുന്നവരുടെ എണ്ണം ഉയര്ന്നിട്ടുണ്ട്. 1,38,331 പേര്ക്കാണ് ഇന്നലെ മാത്രം രോഗം ഭേദമായത്. നിലവില് 15,50,377 പേരാണ് വിവിധയിടങ്ങളില് ചികിത്സയില് കഴിയുന്നത്. ടെസ്റ്റ് പോസിറ്റിവിറ്റി നിരക്ക് 16.28 ശതമാനമായി ഉയര്ന്നിട്ടുണ്ട്.
രാജ്യത്ത് കൊറോണ വാക്സിനേഷന് പുരോഗമിക്കുകയാണ്. ഇതുവരെ 156.76 കോടി വാക്സിന് ഡോസുകളാണ് വിതരണം ചെയ്തത്. 24 മണിക്കൂറിനിടെ 314 മരണങ്ങളാണ് റിപ്പോര്ട്ട് ചെയ്തത്. ഇതോടെ രാജ്യത്തെ ആകെ മരണം 486,094 ആയി ഉയര്ന്നു. ഇതുവരെ 7,743 പേര്ക്കാണ് രാജ്യത്ത് കൊറോണ വൈറസിന്റെ ഒമിക്രോണ് വകഭേദം സ്ഥിരീകരിച്ചിട്ടുള്ളത്.