രാംലല്ലയ്ക്ക് 11 കോടിയുടെ കിരീടം സമര്പ്പിച്ച് വ്യവസായി
പ്രകൃതിദത്ത സസ്യങ്ങള് നട്ടുകൊണ്ട് ഭൂമിയിലെ ഹരിത ഇടങ്ങള് വര്ധിപ്പിക്കുക എന്ന ആശയത്തെ വികസിപ്പിച്ച പരിസ്ഥിതി ശാസ്ത്രജ്ഞന് അകിറ മിയാവാകിക്ക് ജപ്പാന് വിടനല്കി. 93ാം വയസ്സില് മസ്തിഷ്കാഘാതത്തെ തുടര്ന്നായിരുന്നു അന്ത്യം. ഏറെനാളായി ചികിത്സയിലായിരുന്നു. 150-200 വര്ഷങ്ങള് കൊണ്ടു രൂപപ്പെടുന്ന സ്വാഭാവിക വനങ്ങളെ അതേ രീതിയില് പരമാവധി 30 വര്ഷം കൊണ്ട് സൃഷ്ടിച്ചെടുക്കാമെന്ന ആശയമാണ് മിയാവാകി മുന്നോട്ടുവെച്ചത്. പല രാജ്യങ്ങളിലും ആഗോളതാപനം ഉള്പ്പെടെ ഉള്ള പ്രശ്നങ്ങള്ക്ക് പ്രതിവിധിയായി ഈ മാതൃക. 1993 മുതല് യോകോഹാമ നാഷനല് യൂനിവേഴ്സിറ്റിയിലെ പ്രഫസറും, ജാപ്പനീസ് സെന്റര് ഫോര് ഇന്റര്നാഷനല് സ്റ്റഡീസ് ഇന് ഇക്കോളജി ഡയറക്ടറുമായിരുന്നു.1992 ലെ ഭൗമ ഉച്ചകോടിയില് മിയാവാകി തെന്റ മാതൃക അവതരിപ്പിച്ചത് 2006ല് അദ്ദേഹത്തിന് ബ്ലൂ പ്ലാനറ്റ് സമ്മാനം ലഭിച്ചു.
ജപ്പാനിലും മറ്റ് രാജ്യങ്ങളിലും നൂറുകണക്കിന് ചെറുകാടുകള് നിര്മിക്കുന്നതിന് അദ്ദേഹം നേതൃത്വം നല്കി. മിയാവാകി കാടുകള് എന്നാണ് ഇവ അറിയപ്പെടുന്നത്. കേരളത്തിലും മിയാവാകി കാടുകളുണ്ട്.