അതിര്‍ത്തിയില്‍ പരിശോധന കടുപ്പിച്ച്‌ കര്‍ണടകയും തമിഴ്നാടും
തിരുവനന്തപുരം: കേരളത്തിലെ കോവിഡ് വ്യാപനത്തിന്റെ പശ്ചാത്തലത്തില്‍ കര്‍ണാടകം, തമിഴ്നാട് അതിര്‍ത്തികളില്‍ പരിശോധന തുടങ്ങി. തലപ്പാടി, വാളയാര്‍, തേനി അതിര്‍ത്തികളിലാണ് കര്‍ശന പരിശോധന.
കോവിഡ് നെഗറ്റിവ് സര്‍ട്ടിഫിക്കറ്റ് ഇല്ലാത്തവരെ RTPCR പരിശോധനയ്ക്ക് ശേഷം മാത്രമാണ് കടത്തിവിടുന്നത്. പരിശോധനാ സൗകര്യവും ഒരുക്കിയിട്ടുണ്ട്. കെഎസ്‌ആര്‍ടിസി ബസുകള്‍ തലപ്പാടി അതിര്‍ത്തി വരെയാണ് സര്‍വീസ് നടത്തുന്നത്. നേരത്തേ, രണ്ട് ഡോസ് വാക്സിന് എടുത്ത് കേരളത്തില്‍ നിന്ന് എത്തുന്നവര്‍ക്കും കര്‍ണാടക കൊവിഡ് നെഗറ്റീവ് സര്‍ട്ടിഫിക്കറ്റ് നിര്‍ബന്ധമാക്കിയിരുന്നു. അതിര്‍ത്തിയില്‍ കര്‍ണാടകയുടെ പരിശോധന തുടരുകയാണ്. തലപ്പാടിയില്‍ രണ്ട് ഡോസ് വാക്സിന് എടുത്തവര്‍ക്ക് താല്‍ക്കാലിക ഇളവ് നല്‍കിയിട്ടുണ്ട്. കേരളത്തില്‍ നിന്നുള്ള യാത്രക്കാര്‍ക്ക് ആര്‍ടിപിസിആര്‍ സര്‍ട്ടിഫിക്കറ്റ് തമിഴ്നാട് സര്‍ക്കാരും നിര്‍ബന്ധമാക്കിയിരുന്നു. രണ്ട് ഡോസ് വാക്സിന് സ്വീകരിച്ച്‌ 14 ദിവസം കഴിഞ്ഞവര്‍ക്ക് തമിഴ്നാട് സര്‍ക്കാര്‍ ഇളവ് നല്‍കിയിട്ടുണ്ട്. കേരളത്തില്‍ പ്രതിദിന രോഗികളുടെ എണ്ണം ഇരുപതിനായിരത്തിന് മുകളിലാണ്.
Related News
ഇറാന്‍ പിടിച്ചെടുത്ത കപ്പലിലെ മലയാളികള്‍ ഉള്‍പ്പെടെ എല്ലാ ജീവനക്കാരെയും വിട്ടയച്ചു
ഷാഫി പറമ്പില്‍ കേരളം കണ്ട ഏറ്റവും വലിയ രാഷ്ട്രീയ വിഷം: എ എ റഹീം
തലയോട്ടി പൊട്ടിയത് മരണകാരണം, വാഹനം കയറിയിറങ്ങി; നവജാത ശിശുവിന്റെ പോസ്റ്റുമോര്‍ട്ടം റിപ്പോര്‍ട്ട്
കുഞ്ഞിന്റെ അമ്മ പീഡനത്തിനിരയായെന്ന് മൊഴി; കൊലപാതക കുറ്റം സമ്മതിച്ചു; രക്ഷിതാക്കൾക്ക് പങ്കില്ലെന്ന് നിഗമനം
