സൂപ്പര് ഹീറോ വെറും "റീല് ഹീറോ" ആകരുത്; വിജയിക്ക് ഒരു ലക്ഷം രൂപ പിഴ
ചെന്നൈ : ആഢംബര കാറിന് ഇറക്കുമതി തീരുവ ഇളവ് വേണമെന്നാവശ്യപ്പെട്ട് നടന് വിജയ് നല്കിയ ഹര്ജി മദ്രാസ് ഹൈക്കോടതി തള്ളി. വിജയ്ക്കെതിരെ രൂക്ഷ വിമര്ശനം ഉന്നയിച്ച കോടതി ഒരു ലക്ഷം രൂപ പിഴ ചുമത്തി. ഇത് രണ്ടാഴ്ചയ്ക്കുള്ളില് മുഖ്യമന്ത്രിയുടെ ദുരിതാശ്വാസ നിധിയിലടയ്ക്കണമെന്നും ഉത്തരവില് പറയുന്നു.
സിനിമയിലെ സൂപ്പര് ഹീറോ വെറും 'റീല് ഹീറോ' ആയി മാറരുതെന്നും നികുതി കൃത്യമായി അടച്ച് ആരാധകര്ക്ക് മാതൃകയാകണമെന്നും ജസ്റ്റിസ് എസ്.എം.സുബ്രഹ്മണ്യത്തിന്റെ ഉത്തരവില് പറയുന്നു.
2012-ല് ഇംഗ്ലണ്ടില് നിന്ന് ഇറക്കുമതി ചെയ്ത റോള്സ് റോയ്സ് ഗോസ്റ്റ് കാറിന്റെ എന്ട്രി ടാക്സില് ഇളവ് തേടിയാണ് വിജയ് കോടതിയെ സമീപിച്ചത്.