"ഞാന് ഒരു പെണ്ണിനെ തേടുന്നു: അവള്ക്ക് എന്നെ സ്നേഹിക്കാന് കഴിയണം, അതുമാത്രമാണ് ഡിമാന്റ്": ഫൈസല് എ അസീസ് എന്ന ചെറുപ്പക്കാരന്റെ ഫെയ്സ്ബുക്ക് കുറിപ്പ് ഏറ്റെടുത്ത് സോഷ്യൽ മീഡിയ
സ്ത്രീധനത്തിന്റെ പേരില് ഒരു പെണ്ണിന്റെയും കണ്ണീര് വീഴ്ത്തില്ലെന്ന ആണത്തമുള്ള നിലപാടുകള്ക്ക് കയ്യടിക്കുകയാണ് സോഷ്യല് മീഡിയ. വിസ്മയയുടെ മരണം വേദനയാകുമ്പോള് ആ ദൃഢപ്രതിജ്ഞ നെഞ്ചേറ്റാന് നിരവധി പേരാണ് മുന്നോട്ടുവരുന്നത്. ഇവിടെയിതാ ഡിമാന്റുകള്ക്കും സ്വര്ണത്തിളക്കങ്ങള്ക്കുമപ്പുറം സ്നേഹിക്കാന് മാത്രമറിയുന്ന പെണ്ണിനെ തേടുകയാണ് ഫൈസല് എ അസീസ് എന്ന ചെറുപ്പക്കാരന്. അന്തസുള്ള ഫൈസലിന്റെ നിലപാടിന് നിറഞ്ഞ കയ്യടിയാണ് സോഷ്യല് മീഡിയ നല്കുന്നത്. ചുരുങ്ങിയ സമയം കൊണ്ട് നിരവധി പേരാണ് ഫൈസലിന്റെ ഫെയ്സ്ബുക്ക് കുറിപ്പ് ഏറ്റെടുത്തിരിക്കുന്നത്.
ഫെയ്സ്ബുക്ക് കുറിപ്പ് :
ഞാൻ ഒരു പെണ്ണിനെ തേടുന്നു ;
എനിക്കിണയായി;എന്റെ തുണയായി ; എന്റെ വീട്ടുകാരുടെ ഓമനയായി മാറുവാൻ ഒരു പുണ്യത്തെ തേടുന്നു .
അതിനു എനിക്ക് കുറച്ചു ഡിമാൻറ്റ്സ് ഉണ്ട്.
അവൾക്ക് എന്നെ സ്നേഹിക്കാൻ കഴിയണം ; അവൾക്ക് എന്റെ കുടുംബത്തെ സ്നേഹിക്കാൻ കഴിയണം .തിരികെ അങ്ങനെ തന്നെ ഉണ്ടാകും എന്നുള്ളതിൽ സംശയം വേണ്ട.
നിനക്ക് ഞാൻ എന്റെ ഹൃദയം തരാം
പകരം നീ എനിക്ക് നൽകേണ്ടത് നിന്നെ തന്നെയാണ് ; നിന്നെ മാത്രമാണ് ;
ഒരുകാര്യം പ്രത്യേകം ശ്രദ്ധിക്കുക
എനിക്ക് സർക്കാർ ജോലിയില്ല .
നിന്നെ പട്ടുമെത്തയിൽ കിടത്തിയുറക്കാം എന്നും വീരവാദം മുഴക്കുന്നില്ല .
എന്റെ കുഞ്ഞു വീട്ടിൽ നിനക്കായി മാത്രം ഒരിടം ഉണ്ടാവും .അതായത് എന്റെ വാപ്പയുടെയും ഉമ്മയുടെയും മകളായുള്ള ആ ഇടം .
അവിടെ കിട്ടുന്ന പട്ടുമെത്തയിൽ മുന്നോട്ടുള്ള ഓരോ ദിവസവും സ്വർഗ്ഗമാക്കി മാറ്റുവാൻ ഞാൻ നിന്നോടൊപ്പം ഉണ്ടാകും മരണം വരെ .
ഇണക്കങ്ങളും പിണക്കങ്ങക്കും ഉണ്ടാവും ജീവിതത്തിൽ ; അതാണ് ജീവിതം .
മുന്നോട്ടുള്ള ഒഴുക്കിൽ തടസ്സങ്ങൾ നേരിട്ടാലും ഒരുമിച്ചു മുന്നോട്ട് തുഴയാൻ നിനക്ക് ഞാനും എനിക്ക് നീയും ഉണ്ടാകണം എന്നുള്ള വാക്ക് പകർന്നുനൽകുക എന്നുള്ളിടത്തു ജീവിതം സന്തോഷകരമാകും.
നിന്നെയാണ് ,നിന്റെ ഹൃദയത്തെയാണ് ആണ് വേണ്ടത്. തിരികെ എന്റെ ഹൃദയം അന്നുമുണ്ടാകും നിന്നോടൊപ്പം.
Faizal A Azeez II