ഒരു ദിവസം കൊണ്ട് 51 കോടിയുടെ മദ്യം വിറ്റു
തിരുവനന്തപുരം∙ ലോക്ഡൗണ് ഇളവിനെത്തുടര്ന്നു മദ്യശാലകള് തുറന്ന ബുധനാഴ്ച റിക്കോര്ഡ് വില്പ്പന. 51 കോടി രൂപയുടെ മദ്യമാണ് ബവ്റിജസ് ഷോപ്പുകളിലൂടെ മാത്രം വിറ്റത്. സാധാരണ ദിവസങ്ങളില് 49 കോടി രൂപയുടെ കച്ചവടമാണ് നടക്കുന്നത്.
ബുധനാഴ്ച 225 ഔട്ട്ലെറ്റുകളാണ് തുറന്നത്. ടെസ്റ്റ് പോസിറ്റിവിറ്റി (ടിപിആര്) 20 ശതമാനത്തില് കൂടുതലുള്ള സ്ഥലങ്ങളിലെ 40 ഷോപ്പുകള് തുറന്നിരുന്നില്ല.
കണ്സ്യൂമര് ഫെഡ് ഔട്ട്ലെറ്റുകളില് എട്ട് കോടിയുടെ മദൃവില്പന ഇന്നലെ നടന്നു. ഏറ്റവുമധികം മദ്യം വിറ്റത് പാലക്കാട് തേങ്കുറിശിയിലാണ്. 68 ലക്ഷം രൂപയുടെ മദ്യമാണ് തേങ്കുറിശിയില് വിറ്റത്. തിരുവനന്തപുരം പവര് ഹൗസ് റോഡ് ഔട്ട്ലെറ്റില് 65 ലക്ഷം രൂപയുടെയും ഇരിങ്ങാലക്കുടയില് 64 ലക്ഷം രൂപയുടെയും മദ്യവും വിറ്റു.