ഈ വേദന മരണംവരെ എന്നോടൊപ്പമുണ്ടാകും: എ കെ ആന്റണി
എല്‍.ഡി.എഫ് 75 മുതല്‍ 83 സീറ്റുകള്‍വരെ നേടി വീണ്ടും അധികാരത്തില്‍ എത്തുമെന്ന് മാതൃഭൂമി സീവോട്ടര്‍ സര്‍വേ ഫലം. യു.ഡി.എഫ് 56 മുതല്‍ 64 സീറ്റുവരെ നേടി പ്രതിപക്ഷത്തെത്തുമെന്നും എന്‍.ഡി.എയ്ക്ക് പൂജ്യം മുതല്‍ രണ്ട് സീറ്റുവരെ ലഭിക്കാമെന്നും സര്‍വേ ഫലം പറയുന്നു.
എല്‍.ഡി.എഫിന്റെ വോട്ട് വിഹിതം 40.9 ശതമാനമായിരിക്കുമെന്നാണ് വിലയിരുത്തല്‍. യു.ഡി.എഫിന് 37.9 ശതമാനവും എന്‍.ഡി.എയ്ക്ക് 16.6 ശതമാനവും വോട്ട് വിഹിതമുണ്ടാകുമെന്നും സര്‍വേ ഫലം പറയുന്നു. അതേസമയം മുഖ്യമന്ത്രിയുടെ പ്രകടനം മികച്ചതാണെന്ന് സര്‍വേയില്‍ പങ്കെടുത്ത കൂടുതല്‍ പേരും രേഖപ്പെടുത്തി. കേരളസര്‍ക്കാരിന്റെ സൗജന്യ ഭക്ഷ്യക്കിറ്റും പെന്‍ഷനും അടക്കമുളള ക്ഷേമ പ്രവര്‍ത്തനങ്ങള്‍ ഗുണം ചെയ്തതായാണ് ഭൂരിഭാഗം പേരുടേയും അഭിപ്രായം.
38.10% പേരും മുഖ്യമന്ത്രിയുടെ പ്രകടനം മികച്ചതെന്ന് അഭിപ്രായപ്പെട്ടപ്പോള്‍ ശരാശരി എന്ന് രേഖപ്പെടുത്തിയത് 37.2 ശതമാനം പേരാണ്. മുഖ്യമന്ത്രിയുടെ പ്രകടനം വളരെ മോശമെന്ന് 24.7 ശതമാനം പേര്‍ അഭിപ്രായപ്പെട്ടു. കിറ്റും പെന്‍ഷനും തിരഞ്ഞെടുപ്പില്‍ വലിയ ഗുണം ചെയ്യും എന്ന് കരുതുന്നവരാണ് 53.9 ശതമാനം. ചെറുതായി ഗുണംചെയ്യും എന്ന് 26.2 ശതമാനം പേര്‍ അഭിപ്രായപ്പെടുന്നു. ഗുണം ചെയ്യില്ല എന്ന് 18 ശതമാനം പേരും പറയുന്നു.
സര്‍ക്കാര്‍ വികസന മോഡലായി ഉയര്‍ത്തിക്കാട്ടുന്ന കിഫ്ബി ഗുണം ചെയ്‌തോ എന്ന ചോദ്യത്തോട് 37.3 ശതമാനം പേര്‍ ഗുണം ചെയ്യും എന്നാണ് പ്രതികരിച്ചത്. ഗുണം ചെയ്യില്ല എന്ന് 37.1 ശതമാനം പേര്‍ പ്രതികരിച്ചു. ഇത് തിരഞ്ഞെടുപ്പിനെ ഒട്ടും ബാധിക്കില്ല എന്ന് 15.4 ശതമാനം പേരാണ് അഭിപ്രായപ്പെട്ടത്. പറയാന്‍ കഴിയില്ല എന്ന് പ്രതികരിച്ചവരാണ് 10.2 ശതമാനം പേര്‍.
വോട്ടര്‍മാരെ ഏറ്റവും കൂടുതല്‍ സ്വാധീനിച്ച വിഷയം തൊഴിലില്ലായ്മയാണെന്നാണ് സര്‍വേ ഫലം വ്യക്തമാക്കുന്നത്. സര്‍വേയില്‍ 41.8 ശതമാനം വോട്ടര്‍മാരാണ് ഇങ്ങനെ രേഖപ്പെടുത്തിയത്. 10.4 ശതമാനം പേരെ അഴിമതിയും 4.8 ശതമാനം പേരെ ക്രമസമാധാന പ്രശ്നങ്ങളും സ്വാധീനിച്ചു.
വോട്ടിങ്ങിനെ സ്വാധീനിക്കുന്ന വിവാദങ്ങളില്‍ മുന്നിലെത്തിയത് സ്വര്‍ണക്കടത്താണ്. 25.2ശതമാനം പേര്‍ വോട്ടിങ്ങിനെ സ്വാധീനിക്കുന്ന വിവാദം സ്വര്‍ണക്കടത്താണെന്ന് രേഖപ്പെടുത്തി. ശബരിമല വിവാദം 20.2 ശതമാനം, കൊവിഡ് പ്രതിരോധം13 ശതമാനം, പ്രളയ ദുരിതാശ്വാസം എട്ട് ശതമാനം എന്നിങ്ങനെയാണ് മറ്റുവിവാദങ്ങളോടുളള വോട്ടര്‍മാരുടെ പ്രതികരണം.
അതേസമയം ഉമ്മന്‍ ചാണ്ടിയുടെ തിരിച്ചുവരവ് നേട്ടമോ എന്ന ചോദ്യത്തിന് 47.7% നേട്ടമെന്നും 36.3% നേട്ടമല്ല എന്നും 16% പേര്‍ അഭിപ്രായമില്ല എന്നും അഭിപ്രായം രേഖപ്പെടുത്തി. 51 ദിവസം കൊണ്ട് പൂര്‍ത്തായാക്കിയ സര്‍വേയില്‍ 40 മണ്ഡലങ്ങളില്‍ നിന്ന് 14,913 പേര്‍ പങ്കെടുത്തു. 18 നും 85 നും ഇടയില്‍ പ്രായമുളളവരാണ് സര്‍വേയില്‍ പങ്കെടുത്തത്.
Related News
നിപ വ്യാപനം ഫലപ്രദമായി തടഞ്ഞു; ആശങ്കയൊഴിഞ്ഞെങ്കിലും ജാഗ്രത തുടരണം; മുഖ്യമന്ത്രി
മലമ്പുഴ രക്ഷാദൗത്യം - മുഖ്യമന്ത്രി പിണറായി വിജയന്റെ പ്രതികരണം
'ഭാര്യയെ കൊന്ന് ആനന്ദ് ജീവനൊടുക്കി; മലയാളി കുടുംബത്തിന്റെ മരണത്തില് കൂടുതല്‍ വെളിപ്പെടുത്തലുകളുമായി പൊലീസ്
പെട്രോൾ വില വർദ്ധനവിനെക്കുറിച്ച് കെ.സുരേന്ദ്രന്റെ പ്രതികരണം