താമരശേരി ചുരത്തിൽ നിന്ന് കൊക്കയിലേക്ക് വീണ് യുവാവിന് പരിക്ക്
താമരശേരി ചുരത്തിൽ നിന്ന് കാൽ തെന്നി കൊക്കയിലേക്ക് വീണ് വിനോദയാത്രാസംഘത്തിലെ യുവാവിന് പരിക്ക്. മലപ്പുറം കൂട്ടിലങ്ങാടി മക്കരപ്പറമ്പ് സ്വദേശി ഫായിസി (32)നാണ് പരിക്കേറ്റത്. എട്ടാം വളവിന് സമീപം ബുധനാഴ്ച വൈ…
താമരശേരി ചുരത്തിൽ നിന്ന് കാൽ തെന്നി കൊക്കയിലേക്ക് വീണ് വിനോദയാത്രാസംഘത്തിലെ യുവാവിന് പരിക്ക്. മലപ്പുറം കൂട്ടിലങ്ങാടി മക്കരപ്പറമ്പ് സ്വദേശി ഫായിസി (32)നാണ് പരിക്കേറ്റത്. എട്ടാം വളവിന് സമീപം ബുധനാഴ്ച വൈകീട്ട് ആറ് മണിയോടെയാണ് അപകടം. സുഹൃത്തുകളോടൊപ്പം വയനാട്ടിൽ വിവാഹത്തിൽ പങ്കെടുക്കാൻ പോവുകയായിരുന്നു ആറംഗ സംഘം. കാർ നിർത്തി പുറത്തിറങ്ങിയപ്പോഴാണ് യുവാവ് കാൽ തെറ്റി കൊക്കയിലേക്ക് വീണത്. കൽപറ്റയിൽ നിന്നും അഗ്നി രക്ഷാ സേനയെത്തിയാണ് യുവാവിനെ പുറത്തെത്തിച്ചത്. ഈങ്ങാപ്പുഴയിലെ സ്വകാര്യ ക്ലിനിക്കിലും താമരശ്ശേരി താലൂക്ക് ആശുപത്രിയിലും പ്രാഥമിക ചികിത്സ ലഭ്യമാക്കിയ ശേഷം യുവാവിനെ കോഴിക്കോട് ഗവ. മെഡിക്കൽ കോളേജ് ആശുപത്രിയിലേക്ക് മാറ്റി.
