കുടുംബപ്രശ്നം;വിഷം കഴിച്ച്‌ ചികിത്സയിലായിരുന്ന യുവതി മരിച്ചു

പാലക്കാട്: വിഷം കഴിച്ചതിനെ തുടർന്ന് ചികിത്സയിലായിരുന്ന യുവതി മരിച്ചു. പാലക്കാട് കരിയങ്കോട് സ്വദേശിനി ലിൻസിയാണ് മരിച്ചത്.

തൃശൂർ മെഡിക്കല്‍ കോളേജ് ആശുപത്രിയില്‍ ചികിത്സയിലിരികെയാണ് ലിൻസി മരിച്ചത്. കുടുംബപ്രശ്നത്തെ തുടർന്നാണ് യുവതി വിഷം കഴിച്ചത്.

ഇക്കഴിഞ്ഞ 20-നായിരുന്നു ലിൻസി ആത്മഹത്യക്ക് ശ്രമിച്ചത്. മൂന്ന് വയസുകാരിയായ മകള്‍ക്ക് വിഷം നല്‍കിയശേഷം ലിൻസി ആത്മഹത്യക്ക് ശ്രമിക്കുകയായിരുന്നു. പോസ്റ്റ്മോർട്ടത്തിന് ശേഷം മൃതദേഹം ബന്ധുകള്‍ക്ക് വിട്ടു നല്‍കും.