റവന്യൂ അവാര്ഡ് ജേതാക്കള്ക്ക് അനുമോദനം
എറണാകുളം ജില്ലയില്‍ ഈ വര്‍ഷത്തെ റവന്യൂ അവാര്‍ഡ് നേടിയ ഉദ്യോഗസ്ഥരെ ജില്ലാ കളക്ടര്‍ എന്‍.എസ്.കെ ഉമേഷ് അനുമോദിച്ചുമികച്ച ദുരന്തനിവാരണ വിഭാഗം ഡെപ്യൂട്ടി കളക്ടര്‍…
എറണാകുളം ജില്ലയില് ഈ വര്ഷത്തെ റവന്യൂ അവാര്ഡ് നേടിയ ഉദ്യോഗസ്ഥരെ ജില്ലാ കളക്ടര് എന്.എസ്.കെ ഉമേഷ് അനുമോദിച്ചു
മികച്ച ദുരന്തനിവാരണ വിഭാഗം ഡെപ്യൂട്ടി കളക്ടര്ക്കുള്ള അവാര്ഡ് നേടിയ ഉഷ ബിന്ദുമോള്, മികച്ച റവന്യൂ റിക്കവറി തഹസില്ദാര്ക്കുള്ള അവാര്ഡ് നേടിയ കണയന്നൂര് താലൂക്കിലെ മുഹമ്മദ് ഷാഫി, മികച്ച വില്ലേജ് ഓഫീസര്മാരായി തിരഞ്ഞെടുത്ത മരട് വില്ലേജ് ഓഫീസര് കെ.ഡി ബിജു, പട്ടിമറ്റം വില്ലേജ് ഓഫീസര് എം.എച്ച് ജയന്, രാമേശ്വരം വില്ലേജ് ഓഫീസര് ലൂസി സ്മിത സെബാസ്റ്റ്യന് എന്നിവര്ക്ക് ജില്ലാ കളക്ടര് പുരസ്കാരം നല്കി ആദരിച്ചു. മികച്ച വില്ലേജ് ഓഫീസിനുള്ള പുരസ്കാരം നേടിയ കുട്ടമംഗലം വില്ലേജ് ഓഫീസിനുള്ള ആദരം വില്ലേജ് ഓഫീസര് എല്ദോ ജോസഫ് ഏറ്റുവാങ്ങി. ജോലിയില് നിന്ന് വിരമിക്കുന്ന വിജിലന്സ് ഡെപ്യൂട്ടി കളക്ടര് എസ്. സുമയെ ജില്ലാ കളക്ടര് ചടങ്ങില് ആദരിച്ചു.
കളക്ടറേറ്റ് കോണ്ഫറന്സ് ഹാളില് നടന്ന ചടങ്ങില് അഡീഷണല് ജില്ലാ മജിസ്ട്രേറ്റ് ആശാ സി എബ്രഹാം, ഹുസൂര് ശിരസ്തദാര് ബിന്ദു രാജന്, ദുരന്തനിവാരണ ഡെപ്യൂട്ടി കളക്ടര് വി.ഇ അബ്ബാസ്, കളക്ടറേറ്റ് ജീവനക്കാര് തുടങ്ങിയവര് പങ്കെടുത്തു.
