പ്രധാനമന്ത്രിയുമായി കൂടിക്കാഴ്ച നടത്തി 'മിസ്റ്റിയോ'; ദേശീയ ബഹിരാകാശ ദിനത്തിൽ തിളങ്ങി മലയാളി സ്റ്റാർട്ടപ്പ്

ദേശീയ ബഹിരാകാശ ദിനത്തിന്റെ ഭാഗമായി പ്രധാനമന്ത്രി നരേന്ദ്ര മോദി കൂടിക്കാഴ്ച നടത്തിയ 20 സ്പേസ് സംരംഭങ്ങളിൽ മലയാളി സ്റ്റാർട്ടപ്പും. തിരുവനന്തപുരം കേന്ദ്രമായ മിസ്റ്റിറ്റിയോ (mistEO) സ്റ്റാർട്ടപ്പിനാണ് പ്രധാനമന്ത്രിയുടെ ഓഫീസിൽ നടന്ന പരിപാടിയിൽ പങ്കെടുക്കാൻ അവസരം ലഭിച്ചത്. കാലാവസ്ഥാ പ്രവചനം, മോഡലിങ് അടക്കമുള്ള മേഖലകളിലാണ് മിസ്റ്റിറ്റിയോ പ്രവർത്തിക്കുന്നത്. ഇതുസംബന്ധിച്ച അവതരണവും പ്രധാനമന്ത്രിക്ക് മുൻപിൽ സ്ഥാപകർ നടത്തി. ഉപഗ്രഹ ഡാറ്റ കമ്പനിയായ സാറ്റ്ഷുവറിന്റെ മുൻ ചീഫ് ഓപ്പറേറ്റിങ് ഓഫീസർ സാമുവൽ ജോൺ, അനീ വർഗീസ്, അംബരീഷ് നാരായണൻ എന്നിവരാണ് മിസ്റ്റിറ്റിയോയുടെ സ്ഥാപകർ.

കമ്പനിക്ക് ഐഎസ്ആർഒയുമായി ബന്ധപ്പെട്ട ഇൻ-സ്പേസിന്റെ സീഡ് ഫണ്ട് സ്കീമിന്റെ ഭാഗമായി ധനസഹായം ലഭിച്ചിരുന്നു. ബഹിരാകാശ രംഗത്തു സ്വകാര്യ പങ്കാളിത്തം അനുവദിക്കാൻ കേന്ദ്ര സർക്കാർ രൂപം നൽകിയ സ്ഥാപനമാണ് ഇൻ-സ്പേസ്