ശബരിമല കേസ്; സുപ്രീം കോടതി വിധി വന്നാല് എല്ലാവരുമായി ആലോചിച്ച് സര്ക്കാര് വിധി നടപ്പാക്കുമെന്ന് പിണറായി
മഞ്ചേരി: തെരഞ്ഞെടുപ്പ് അടുത്തപ്പോള് ശബരിമല ചര്ച്ചയാക്കാനുള്ള ശ്രമം ഉണ്ടായെന്ന് മുഖ്യമന്ത്രി പിണറായി വിജയന്. ശബരിമല കേസ് നിലവില് സുപ്രീം കോടതിയുടെ പരിഗണനയിലാണെന്നും കേസില് പുതിയ വിധി വരുമ്ബോള് മാത്രമെ ഇനി വിഷയത്തിന് പ്രസക്തിയുള്ളൂവെന്നും അദ്ദേഹം പറഞ്ഞു. മഞ്ചേരിയില് മാദ്ധ്യമ പ്രവര്ത്തകരോട് സംസാരിക്കുകയായിരുന്നു അദ്ദേഹം. ശബരിമല കേസില് സുപ്രീം കോടതി വിധി വന്നാല് എല്ലാവരുമായി ആലോചിച്ച് സര്ക്കാര് വിധി നടപ്പിലാക്കുമെന്നും അദ്ദേഹം വ്യക്തമാക്കി.
അനാവശ്യ കോലാഹലങ്ങള് ഉയര്ത്തി ജനങ്ങളുടെ ശ്രദ്ധ തിരിച്ചു വിടാനാണ് പ്രതിപക്ഷത്തിന്റെ ശ്രമം. സംസ്ഥാനത്ത് യുഡിഎഫ് - ബിജെപി ധാരണ ശക്തമാണ്. പ്രതിസന്ധി സമയത്ത് കേന്ദ്ര സഹായം ലഭ്യമാക്കുന്നതില് പ്രതിപക്ഷം സര്ക്കാരിനൊപ്പം നിന്നില്ല. എന്നാല് ദുരന്ത കാലത്തും സഹായം എത്തിക്കുന്നതില് സംസ്ഥാന സര്ക്കാര് വിജയിച്ചുവെന്നും മുഖ്യമന്ത്രി പറഞ്ഞു.
സംസ്ഥാനത്ത് വികസനം കൊണ്ടു വന്നതില് പ്രതിപക്ഷം കടുത്ത നിരാശയിലാണ്. എവിടെയാണ് വികസനം നടന്നതെന്ന പ്രതിപക്ഷത്തിന്റെ ചോദ്യം തന്നെ ആ നിരാശയില് നിന്നും ഉണ്ടായതാണ്. കേരളത്തില് നടന്ന വികസനം ജനങ്ങള്ക്ക് ബോധ്യപ്പെട്ടിട്ടുണ്ട്. സമൂഹ നീതിയില് അധിഷ്ഠിതമായ വികസനമാണ് സര്ക്കാര് നടപ്പിലാക്കിയതെന്നും അദ്ദേഹം കൂട്ടിച്ചേര്ത്തു.