അമല ഗ്യാസ്ട്രോ സൂപ്പർ സ്പെഷ്യാലിറ്റി സെന്റർ കുന്നംകുളത്ത് ആരംഭിച്ചു
കുന്നംകുളം: അമല മെഡിക്കൽ കോളേജ് കുന്നംകുളം ആർത്താറ്റ് ഡോ. താരു & സാറാമ്മ മെമ്മോറിയൽ ട്രസ്റ്റ് ബിൽഡിങ്ങിൽ ആരംഭിച്ച ഗാസ്ട്രോ സൂപ്പർ സ്പെഷ്യാലിറ്റി ക്ലിനിക്കിന്റെ ഉദ്ഘാടനം എം.എൽ.എ ശ്രീ. എ.സി. മൊയ്തീൻ നിർവഹിച്ചു.
ഓർത്തഡോക്സ് സഭയുടെ കുന്നംകുളം ഭദ്ര സനാധിപൻ ഡോ. ഗീവർഗ്ഗീസ് മാർ യൂലിയോസ് അനുഗ്രഹ പ്രഭാഷണം നടത്തി. ദേവമാത വികാർ പ്രൊവിൻഷ്യാൽ ഫാ. ഡേവി കാവുങ്കൽ അദ്ധ്യക്ഷത വഹിച്ചു. കുന്നംകുളം മുൻസിപ്പാലിറ്റി ആരോഗ്യ സ്റ്റാൻഡിങ് കമ്മിറ്റി ചെയർമാൻ ടി.സോമശേഖരൻ, ഡോ. താരു & സാറമ്മ മെമ്മോറിയൽ ട്രസ്റ്റ് മാനേജിങ് ട്രസ്റ്റി ശ്രീ. വർക്കി കോരോത്ത്, അമല ഡയറക്ടർ ഫാ.ജൂലിയസ് അറയ്ക്കൽ cmi, ജോയിൻറ് ഡയറക്ടർ ഫാ.ഡെൽജോ പുത്തൂർ cmi, ഗ്യാസ്ട്രോ വിഭാഗം മേധാവി ഡോ. റോബർട്ട് പനയ്ക്കൽ, അസോസിയേറ്റ് പ്രൊഫസർ ഡോ. സോജൻ ജോർജ്ജ് എന്നിവർ പ്രസംഗിച്ചു.
എൻഡോസ്കോപ്പി, ഫാർമസി, ലബോറട്ടറി സേവനങ്ങൾ കൂടാതെ ആംബുലൻസ് സൗകര്യവും അമലയിൽ ഉണ്ടായിരിക്കുന്നതാണ്. ജനറൽ ഒപി സമയം 1 PM മുതൽ 4 PM വരെയും വ്യാഴം വെള്ളി ഒപി സമയം 8 AM മുതൽ 5 PM വരെയുമാണ്.