കെഎസ്ആര്ടിസി- സിഫ്റ്റിന്റെ സര്വ്വീസുകള് പ്രഖ്യാപിച്ചു; ബുക്കിംഗ് ഇന്ന് മുതൽ
കേരള സര്ക്കാര് പുതിയതായി രൂപീകരിച്ച കമ്ബനിയായ കെഎസ്ആര്ടിസി- സിഫ്റ്റിന്റെ ഉടമസ്ഥതയില് ഉള്ള ബസുകളുടെ സര്വ്വീസുകള് പ്രഖ്യാപിച്ചു. ഏപ്രില് 11 ന് വൈകുന്നേരം 5.30 തിന് മുഖ്യമന്ത്രി പിണറായി വിജയന് ഫ്ലാഗ് ഓഫ് ചെയ്യുന്നതോടെയാണ് ബസ്സുകള് സര്വ്വീസുകള് ആരംഭിക്കുന്നത്. കെഎസ്ആര്ടിസി- സിഫ്റ്റ് ബസിന്റെ സീറ്റ് ബുക്കിംഗ് ഏപ്രില് 7 വൈകിട്ട് 5 മണി മുതല് ആരംഭിക്കും. www.online.keralartc.com എന്ന വെബ്സൈറ്റ് വഴിയും enteksrtc എന്ന മൊബൈല് ആപ്പ് വഴിയും ടിക്കറ്റുകള് ലഭ്യമാകും. ടിക്കറ്റുകളും, അഡീഷണല് സര്വ്വീസ് ടിക്കറ്റുകളും ഓണ് ലൈന് വഴി ലഭ്യമായിരിക്കും.
ഉദ്ഘാടനത്തോട് അനുബന്ധിച്ച് പ്രത്യേക ഓഫറുണ്ട്. തിരുവനന്തപുരം - ബാംഗ്ലൂര് റൂട്ടില് സ്വിഫ്റ്റ് എ.സി സര്വ്വീസുകളില് ഓണ്ലൈന് മുഖേന www.online.keralartc.com എന്ന വെബ്സൈറ്റ് വഴിയും enteksrtc എന്ന മൊബൈല് ആപ്പ് വഴിയും സീറ്റ് ബുക്ക് ചെയ്യുന്ന ആദ്യ യാത്രക്കാര്ക്ക് മടക്ക യാത്രാ ടിക്കറ്റ് സൗജന്യമായി നല്കുന്നതോടൊപ്പം സമ്മാനവും ആദ്യയാത്രാ സര്ട്ടിഫിക്കറ്റും നല്കും. ഇത്തരത്തില് നല്കിയ റിട്ടേണ് ടിക്കറ്റ് അടുത്ത 3 മാസത്തിനകം ഉപയോഗിക്കാനുള്ള സൗകര്യവും ലഭിക്കും. നാളെ 5 മണിക്ക് റിസര്വ്വേഷന് ആരംഭിക്കുന്ന നാല് ഗജരാജ സ്ലിപ്പര് നിന്നുള്ള ഓരോ യാത്രക്കാര്ക്കാകും ആണ് ആദ്യം ഈ ആനുകൂല്യം ലഭ്യമാകുക. തുടര്ന്ന് ഓരോ ദിവസവും ഏപ്രില് 30 വരെ പുതിയ സര്വ്വീസുകള് ഇടുന്ന മുറക്ക് ആദ്യയാത്ര ബുക്ക് ചെയ്യുന്നവര്ക്കും ഈ ആനുകൂല്യം ലഭിക്കും. ഇത്തരത്തില് ഏപ്രില് മാസത്തില് ഓരോ ദിവസവും കൂടുതല് സര്വീസുകള് ഓരോ ദിവസവും ഓണ്ലൈനില് നല്കുകയും ഏപ്രില് 30 ആം തീയതിയോടെ ഇത്തരത്തില് 100 ബസ്സുകളുടെ റിസര്വേഷന് ലഭ്യമാവുകയും ചെയ്യും. ഈ ബസ്സുകളില് ആദ്യ ടിക്കറ്റ് ബുക്ക് ചെയ്യുന്നവര്ക്കും ആനുകൂല്യം ലഭിക്കും. ഇത്തരത്തില് ആകെ 100 പേര്ക്കാണ് ഉദ്ഘാടന ആനുകൂല്യം ലഭിക്കുക. ഇത് കൂടാതെ തിരഞ്ഞെടുത്ത റൂട്ടുകളില് ഓണ്ലൈന് ടിക്കറ്റ് ബുക്ക് ചെയ്യുന്നവര്ക്ക് 30% വരെ ടിക്കറ്റ് നിരക്കില് ഇളവും അനുവദിക്കും.
എ.സി സ്ലീപ്പര് സര്വ്വീസുകളും ടിക്കറ്റ് നിരക്കും
- തിരുവനന്തപുരം - ബാഗ്ലൂർ (വൈകുന്നരം 6 മണിക്ക്, നാഗർകോവിൽ- തിരുനൽവേലി, ഡിൻഡിഗൽ, നാമക്കൽ- വഴി ബാഗ്ലൂർ,- ടിക്കറ്റ് നിരക്ക്: 1571 രൂപ)
- തിരികെ ബാഗ്ലൂർ- തിരുവനന്തപുരം ( വൈകുന്നേരം 6 മണിക്ക്, നാമക്കൽ- ഡിൻഡിഗൽ- തിരുനൽവേലി- നാഗർകോവിൽ- തിരുവനന്തപുരം,ടിക്കറ്റ് നിരക്ക്: -1728 രൂപ)
- തിരുവനന്തപുരം- ബാഗ്ലൂർ ( വൈകുന്നേരം 5.30 മണിക്ക്, ആലപ്പുഴ- വൈറ്റില- തൃശ്ശൂർ- കോയമ്പത്തൂർ- സേലം വഴി- ടിക്കറ്റ് നിരക്ക്:1376 രൂപ ( 30% കുറഞ്ഞ നിരക്ക്)
- തിരികെ ബാഗ്ലൂർ- തിരുവനന്തപുരം ( വൈകുന്നേരം 5 മണിക്ക്, സേലം, കോയമ്പത്തൂർ, തൃശ്ശൂർ- വൈറ്റില, ആലപ്പുഴ വഴി -ടിക്കറ്റ് നിരക്ക്: 2156 രൂപ)
- എറണാകുളം- ബാഗ്ലൂർ ( രാത്രി 8 മണിക്ക്, തൃശ്ശൂർ- കോയമ്പത്തൂർ- സേലം വഴി- ടിക്കറ്റ് നിരക്ക്: 988 രൂപ ( 30% ഡിസ്ക്കൗണ്ട്)
- തിരികെ ബാഗ്ലൂർ - എറണാകുളം (രാത്രി 8 മണിക്ക് , സേലം, കോയമ്പത്തൂർ , തൃശ്ശൂർ വഴി- ടിക്കറ്റ് നിരക്ക്: 1552 രൂപ)
- എറണാകുളം - ബാഗ്ലൂർ ( രാത്രി 9 മണിക്ക്, തൃശ്ശൂർ- കോയമ്പത്തൂർ- സേലം വഴി-ടിക്കറ്റ് നിരക്ക്: 988 രൂപ ( 30% ഡിസ്ക്കൗണ്ട്)
- തിരികെ എറണാകുളം - ബാഗ്ലൂർ (രാത്രി 9 മണിക്ക് , സേലം, കോയമ്പത്തൂർ , തൃശ്ശൂർ വഴി -ടിക്കറ്റ് നിരക്ക്:1552 രൂപ)
എ.സി സെമി സ്ലീപ്പർ ബസുകൾ
- പത്തനംതിട്ട - ബാഗ്ലൂർ ( വൈകുന്നേരം 5,30 മണി, കോട്ടയം- തൃശ്ശൂർ- കോയമ്പത്തൂർ- സേലം വഴി -ടിക്കറ്റ് നിരക്ക്: 1251 രൂപ)
- തിരികെ ബാഗ്ലൂർ -പത്തനംതിട്ട ( രാത്രി 7.30 മണി, സേലം, പാലക്കാട്, തൃശ്ശൂർ- കോട്ടയം വഴി- ടിക്കറ്റ് നിരക്ക്: 1376 രൂപ)
- കോട്ടയം- ബാഗ്ലൂർ ( വൈകുന്നേരം - 5.30 മണി, തൃശ്ശൂർ- പെരിന്തൽമണ്ണ- നിലമ്പൂർ- ഗൂഡല്ലൂർ- മൈസൂർ വഴി - ടിക്കറ്റ് നിരക്ക്: 993 രൂപ ). തിരികെ ബാഗ്ലൂർ - കോട്ടയം ( വൈകിട്ട് 3.45 മണി, മൈസൂർ - ഗൂഡല്ലൂർ - നിലമ്പൂർ വഴി ടിക്കറ്റ് നിരക്ക്: 1093 രൂപ)
- കോഴിക്കോട് - ബാഗ്ലൂർ (രാവിലെ 8.30 മണി, സുൽത്താൻ ബത്തേരി - മൈസൂർ വഴി ടിക്കറ്റ് നിരക്ക്: 703 രൂപ).
- കോഴിക്കോട്- ബാഗ്ലൂർ (ഉച്ചയ്ക്ക് 12 മണി, ബത്തേരി, മൈസൂർ വഴി ടിക്കറ്റ് നിരക്ക്:- 703 രൂപ)
- കോഴിക്കോട്- ബാഗ്ലൂർ ( വൈകുന്നേരം 7 മണി, മാനന്തവാടി , മൈസൂർ വഴി ടിക്കറ്റ് നിരക്ക്: 771 രൂപ)
- കോഴിക്കോട്- മൈസൂർ ( രാത്രി 10 മണി, മാനന്തവാടി, മൈസൂർ വഴി ടിക്കറ്റ് നിരക്ക്:- 771 രൂപ)