രാജ്യത്ത് 2 പേര്‍ക്ക് കൂടി ഒമിക്രോണ്‍ രോഗബാധ

Ajith.A

12 December 2021 01:35 PM

ന്യൂ ഡൽഹി : രാജ്യത്ത് 2 പേര്‍ക്ക് കൂടി ഒമിക്രോണ്‍ കോവിഡ് വകഭേദം (Omicron Covid Variant ) മൂലമുള്ള രോഗബാധ സ്ഥിരീകരിച്ചു.ആന്ധ്ര പ്രദേശില്‍ ഒരാള്‍ക്കും, ചണ്ഡിഗഡില്‍ ഒരാള്‍ക്കുമാണ് രോഗബാധ സ്ഥിരീകരിച്ചത്. രണ്ട് സംസ്ഥാനങ്ങളിലെയും ആദ്യ കേസാണ് ഇപ്പോള്‍ സ്ഥിരീകരിച്ചിരിക്കുന്നത്. ആകെ 35 പേര്‍ക്കാണ് ഇതുവരെ രാജ്യത്ത് ഒമിക്രോണ്‍ വകഭേദം മൂലമുള്ള രോഗബാധ സ്ഥിരീകരിച്ചിട്ടുള്ളത്.

ഇന്നലെ ഒരാള്‍ക്ക് രോഗബാധ സ്ഥിരീകരിച്ചിരുന്നു. സിംബാബ്വെയില്‍ (Zimbabwe) നിന്നെത്തിയ വ്യക്തിക്കാണ് പുതിയ വകഭേദം സ്ഥിരീകരിച്ചത്. ഡല്‍ഹിയിലെ (Delhi) രണ്ടാമത്തെ കേസാണ് ഇത്. രണ്ട് ഡോസ് വാക്സിനും എടുത്ത വ്യക്തിക്കാണ് ഇപ്പോള്‍ രോഗം സ്ഥിരീകരിച്ചിരിക്കുന്നത്. ഇയാള്‍ അടുത്തിടെ ദക്ഷിണാഫ്രിക്കയിലേക്ക് സഞ്ചരിച്ചിരുന്നതായി വാര്‍ത്ത ഏജന്‍സിയായ എഎന്‍ഐ റിപ്പോര്‍ട്ട് ചെയ്തു.