അണക്കെട്ടുകളിലെ ജലനിരപ്പ് താഴുന്നു; വൈദ്യുതി ഉപയോഗം 841 ലക്ഷം മെഗായൂണിറ്റിലേക്ക്
തിരുവനന്തപുരം: വേനല് കടുത്തതോടെ സംസ്ഥാനത്തെ വൈദ്യുതി ഉപയോഗം കുതിക്കുന്നു. കഴിഞ്ഞ ദിവസം 841 ലക്ഷം മെഗാവാട്ട് വൈദ്യുതിയാണ് ഉപയോഗിച്ചത്. ഇത് ഈ മാസത്തെ റിക്കാര്ഡ് ഉപയോഗമാണ്.
രാത്രി എട്ടുമുതല് എട്ടരവരെയാണ് ഏറ്റവും കൂടുതല് വൈദ്യുതി ഉപയോഗിച്ചത്. ഈ സമയം 4001 മെഗാവാട്ട് വൈദ്യുതി ഉപയോഗിച്ചു. രാവിലെ ഏഴുമുതല് എഴരവരെയുള്ള ഉപയോഗം 3279 മെഗാവാട്ടായി ഉയര്ന്നു. 883 മെഗാവാട്ടാണ് സംസ്ഥാനത്തെ വൈദ്യുതി ഉപയോഗത്തിലെ സര്വകാല റിക്കാര്ഡ്.
അതേസമയം വേനല് കനത്തതോടെ അണക്കെട്ടുകളിലേക്കുള്ള നീരൊഴുക്ക് കുറഞ്ഞു. കക്കി, ഷോളയാര്, കുണ്ടള, മാട്ടുപെട്ടി, ആനയിറങ്കല്, പൊ·ുടി അണക്കെട്ടുകളിലേക്കുള്ള നീരൊഴുക്ക് നിലച്ചു. ഇടുക്കി അണക്കെട്ടില് ദിവസേന അരയടി വീതം ജലനിരപ്പ് താഴുകയാണ്. ഇടുക്കിയില് 57 ശതമാനം വെള്ളമാണുള്ളത്.