ലോകകപ്പ്; ഇന്ത്യക്ക് ആറ് വിക്കറ്റ് ജയം
സതാംപ്ടണ് : ലോകകപ്പിലെ ഇന്ത്യയുടെ ആദ്യ മത്സരത്തിൽ ഇന്ത്യക്ക് തകർപ്പൻ ജയം. 15 പന്ത് ബാക്കി നിൽക്കവെയാണ് ആറ് വിക്കറ്റിന്റെ ജയം ഇന്ത്യ സ്വന്തമാക്കിയത്. രോഹിത് ശർമ്മ നേടിയ സെഞ്ചുറിയുടെ മികവിലും ബൗളർമാരുടെ പ്രകടനത്തിലുമാണ് ഇന്ത്യൻ ജയം. രോഹിത് ശർമ്മ 144 പന്തിൽ 13 ഫോറിന്റെയും 2 സിക്സിന്റെയും അകമ്പടിയോടെ 122 റൺസ് നേടി പുറത്താവാതെ നിന്നു .രോഹിത് നേടിയത് തന്റെ കരിയറിലെ ഇരുപത്തിമൂന്നാമത് സെഞ്ചുറിയാണ്.
ധോണി 46 പന്തിൽ 34 റൺസെടുത്തു. ധവാൻ എട്ടും ക്യാപ്റ്റൻ കോഹ്ലി പതിനെട്ടും റൺസ് നേടി. ഇന്ത്യക്കായി യുസ്വേന്ദ്ര ചഹാൽ 4 വിക്കറ്റും ബുമ്രയും ഭുവനേശ്വർ കുമാറും 2 വിക്കറ്റും വീതവും എടുത്തു. കുൽദീപ് യാദവിന് ഒരു വിക്കറ്റ് കിട്ടി.
നേരത്തെ ബാറ്റിംഗ് തെരെഞ്ഞെടുത്ത സൗത്ത് ആഫ്രിക്കയുടെ തുടക്കം മോശമായിരുന്നു. 100 തികയുന്നതിനു മുന്നേ 5 മുൻനിര ബാറ്സ്മനാരെ നഷ്ടമായ അവരെ ക്രിസ് മോറിസും റബാഡയും ചേർന്നാണ് കരകയറ്റിയത്.
മോറിസ് നാല്പത്തിരണ്ടും റബാഡ 31 റൺസും എടുത്തു.സൗത്ത് ആഫ്രിക്കക്കായി റബാഡ രണ്ടും പെഹ്ലുക്കും മോറിസും ഓരോ വിക്കറ്റും വീഴ്ത്തി.