മണി സാറും ടീമും പ്രേക്ഷക ഹൃദയം കീഴടക്കും | UNDA MOVIE REVIEW
ബോക്സ് ഓഫീസിൽ വമ്പൻ വിജയം നേടിയ അനുരാഗ കരിക്കിൻ വെള്ളം എന്ന ചിത്രത്തിന് ശേഷം ഖാലിദ് റഹ്മാൻ സംവിധാനം ചെയ്ത മെഗാസ്റ്റാർ മമ്മൂട്ടി നായകനായ ചിത്രമാണ് ഉണ്ട. ചിത്രം ഇന്ന് തീയറ്ററുകളിൽ എത്തി. ആക്ഷനും കോമെഡിയും വൈകാരിക മുഹൂർത്തങ്ങളും എല്ലാം കോർത്തിണക്കിയാണ് ഖാലിദ് റഹ്മാൻ ആണ് ഈ ചിത്രം സംവിധാനം ചെയ്തിരിക്കുന്നത്. നവാഗതനായ ഹർഷാദ് തിരക്കഥ രചിച്ച ഈ ചിത്രം മൂവി മിൽസിന്റെ ബാനറിൽ കൃഷ്ണൻ സേതുകുമാറും ജമിനി സ്റ്റുഡിയോയും ചേർന്നാണ് നിർമ്മിച്ചിരിക്കുന്നത്.
കേരളാ പോലീസിന്റെ ഇടുക്കി ക്യാമ്പിലെ ഒരു സംഘം പോലീസുകാർ മമ്മൂട്ടി അവതരിപ്പിക്കുന്ന എസ് ഐ മണികണ്ഠന്റെ നേതൃത്വത്തിൽ മാവോയിസ്റ് ഭീഷണി നിലനിൽക്കുന്ന ഛത്തീസ്ഗഡിലേക്കു തിരഞ്ഞെടുപ്പ് ജോലിക്കു പോകുന്നതാണ് ഈ ചിത്രത്തിന്റെ കഥ .ചിത്രം മമ്മുട്ടിയുടേത് മാത്രമല്ല. ഓരോ കഥാപാത്രങ്ങളും ഉണ്ടക്ക് മികച്ചൊരു ഇമ്പാക്ട് നൽകുന്നു. ഉണ്ട എന്ന പേരിനോട് ചേർന്ന് നിൽക്കുന്ന കഥ തന്നെയാണ് ചിത്രത്തിനുള്ളത്.
ആദ്യ തിരക്കഥ എന്ന് പറയിക്കാത്തവണ്ണം മികച്ചൊരു തിരക്കഥയാണ് ഹർഷദ് ഒരുക്കിയിരിക്കുന്നത്. കൃത്യമായി ഉള്ള സസ്പെൻസ് അല്ലെങ്കിൽ ഒരു ത്രിൽ സിനിമയിലുടനീളം കൊണ്ട് പോകാൻ തിരക്കഥക്കും ഒപ്പം നല്ലൊരു സംവിധാന അനുഭൂതി നൽകിയ ഖാലിദ് റഹ്മാനും കഴിഞ്ഞിട്ടുണ്ട്. മെഗാസ്റ്റാർ പരിവേഷത്തിനുമപ്പുറം മമ്മുക്കയിലെ അഭിനയ മികവിനെയാണ് ഉണ്ടയിൽ നമുക്ക് കാണാൻ സാധിക്കുന്നത്. അതിന് മറ്റു റോളുകൾ നൽകുന്ന പിന്തുണയും ചെറുതല്ല. കഥക്ക് ചേരുന്ന കോമഡി സീനുകളും ചേർക്കാൻ സംവിധായകൻ വിട്ടു പോയിട്ടില്ല എന്നത് ശ്രദ്ധേയമാണ്.
പ്രശാന്ത് പിള്ളയുടെ സംഗീതവും സജിത്ത് പുഷ്ക്കരിന്റെ ഛായാഗ്രഹണവും ഏറെ മികവ് പുലർത്തുന്നു. മികച്ച ദൃശ്യാനുഭവം നൽകുന്ന ചിത്രം കൂടിയാണ് ഉണ്ട. ഒട്ടും കൃത്രിമത്വം ഫീൽ ചെയ്യാതെ സിനിമ നമ്മളെ ക്ളൈമാക്സിലെത്തിക്കും.
മെഗാസ്റ്റാർ മമ്മൂട്ടി നായകനാകുന്ന ചിത്രത്തിൽ ഒരു പിടി യുവതാരങ്ങളും അഭിനയിക്കുന്നുണ്ട് . സംഗീതം പ്രശാന്ത് പിള്ള. ഷൈന് ടോം ചാക്കോ, ജേക്കബ് ഗ്രിഗറി, സുധി കോപ്പ, ദിലീഷ് പോത്തന്, അലന്സിയര്, അര്ജുന് അശോകന്, ലുക്മാന് തുടങ്ങിയവര് മറ്റു കഥാപാത്രങ്ങളെ അവതരിപ്പിക്കുന്നു.