മന്ത്രി കെ.കെ. ശൈലജ ടീച്ചറെ കാണാന്‍ ശ്യാമെത്തി
തിരുവനന്തപുരം: കൃത്രിമ കാലുപയോഗിച്ച് തന്നാലാവും വിധം പ്രളയ ദുരിതാശ്വാസ ക്യാമ്പുകളിലേക്ക് ആവശ്യസാധനങ്ങള്‍ കയറ്റി അയച്ച് ഏറെ അഭിനന്ദനം നേടിയ ശ്യാംകുമാര്‍ എസ്.എസ്. ആരോഗ്യ വകുപ്പ് മന്ത്രി കെ.കെ. ശൈലജ ടീച്ചറെ കണ്ട് സന്തോഷം പങ്കുവച്ചു. തിരുവനന്തപുരം മെഡിക്കല്‍ കോളേജില്‍ ഗുരുതര വൃക്ക രോഗത്തിന് ചികിത്സ തേടുന്ന ശ്യാംകുമാറിന്റെ തുടര്‍ ചികിത്സ സൗജന്യമായി നല്‍കാന്‍ മന്ത്രി നിര്‍ദേശം നല്‍കിയിരുന്നു. മന്ത്രിയുടെ ഈയൊരു ഉദ്യമത്തിന് നന്ദി പറയാനാണ് ശ്യാമും സുഹൃത്തുക്കളും എത്തിയത്. ശ്യാമിനെപ്പോലെയുള്ളവര്‍ നാടിന് അഭിമാനമാണെന്ന് മന്ത്രി കെ.കെ. ശൈലജ ടീച്ചര്‍ പറഞ്ഞു. ശ്യാമിനാവശ്യമായ മരുന്നുകള്‍ കെ.എം.എസ്.സി.എല്‍. വഴി നല്‍കും. ഒപ്പം മന്ത്രി എല്ലാ ഭാവുകങ്ങളും നേര്‍ന്നു.
കാട്ടാക്കട സ്വദേശിയും തിരുവനന്തപുരം എം.ജി. കോളേജ് സൈക്കോളജി ബിരുദ രണ്ടാംവര്‍ഷ വിദ്യാര്‍ത്ഥിയുമായ ശ്യാംകുമാര്‍ സിഗ്നേച്ചര്‍ ഓഫ് നിശാഗന്ധി എന്ന സംഘടനയില്‍ അംഗമാകുന്നത് കഴിഞ്ഞ പ്രളയ സമയത്താണ്. അന്ന് മുതല്‍ സംഘടനയുടെ സജീവ പ്രവര്‍ത്തകനാണ്. ഈ വര്‍ഷത്തെ പ്രളയ സമയത്തും ശ്യാമിന്റെ പ്രവര്‍ത്തനം സജീവമായി. അങ്ങനെയാണ് ശ്യാം സോഷ്യല്‍ മീഡിയയില്‍ താരമായത്. അച്ഛന് കൂലിപ്പണിയാണ്. അമ്മയ്ക്ക് ജോലിയില്ല. ഒരനുജത്തിയുണ്ട്. ഇതിനിടയിലാണ് ശ്യാമിന്റെ ചികിത്സ. ജന്മനാ ഒരുകാലില്ല, വൃക്കരോഗിയാണ്, നട്ടെല്ലില്‍ ഒരു മുഴയുമുണ്ട്. ഇങ്ങനെ ചികിത്സിക്കാന്‍ പാടുപെടുമ്പോഴാണ് ആരോഗ്യ മന്ത്രി ഇടപെടുന്നത്. ശ്യാമിന് സൗജന്യ ചികിത്സ ലഭ്യമായതില്‍ അതീവ സന്തോഷമുണ്ടെന്ന് സുഹൃത്തുക്കള്‍ പറഞ്ഞു.
Related News
സിനിമാ താരം നോബിയുടെ മാതാവ് മരണപ്പെട്ടു
കണ്ണൂരില് വന് മയക്കുമരുന്ന് വേട്ട; യുവതി ഉള്പ്പെടെ നാലുപേര് പിടിയില്
'ഉപ്പ് തിന്നവര് വെള്ളം കുടിക്കും'-മരം മുറിയില് നിലപാട് ആവര്ത്തിച്ച് മുഖ്യമന്ത്രി
ഒക്ടോബർ രണ്ടിനകം മുഴുവൻ വില്ലേജ് ഓഫീസ് സേവനങ്ങളും ഓൺലൈനായി ലഭ്യമാക്കും; അഞ്ചുവർഷത്തിനകം എല്ലാ വില്ലേജ് ഓഫീസുകളും സ്മാർട്ട് ആക്കും; മുഖ്യമന്ത്രി