സോമറ്റൊയും സപ്പ്ലൈകോയും കൈകോർക്കുന്നു
കൊച്ചി : സപ്പ്ലൈക്കോയിൽ നിന്നുള്ള അവശ്യ വസ്തുക്കൾ വീട്ടിലെത്തിക്കാൻ ഓൺലൈൻ സംവിധാനവുമായി സർക്കാർ. ഓൺലൈൻ ഫുഡ് ഡെലിവറി സംവിധനമായ സോമറ്റോയുമായി സഹകരിച്ചാണ് ഈ സംവിധാനം നടപ്പിലാക്കുന്നത്. സപ്ലൈകോ നാളെ മുതൽ കൊച്ചിയിൽ ഓൺലൈൻ വഴി അവശ്യ ഭക്ഷ്യ സാധനങ്ങൾ വിതരണ ചെയ്യുന്നതിനു് തുടക്കം കുറിക്കും. പ്രാരംഭ നടപടി എന്ന നിലയിലാണ് സപ്ലൈകോയുടെ ആസ്ഥാനമായ ഗാന്ധി നഗറിനു എട്ടുകിലോ മീറ്റർ പരിധിയിൽ ഭക്ഷണ സാധനങ്ങൾ എത്തിക്കുക. തുടർന്ന് സംസ്ഥാനത്ത് 17 ഇടങ്ങളിൽ ഓൺലൈൻ സംവിധാനം ആരംഭിക്കും. ഓൺലൈൻ വഴി ഓർഡർ ചെയ്താൽ 40 - 50 മിനിറ്റിനകം ഭക്ഷ്യവസ്തുക്കൾ വീടുകളിൽ ലഭിക്കും. ഇ-പെയ്മെൻ്റാണ് നടത്തേണ്ടതെന്നും സി എംഡി അറിയിച്ചു.