സ്പ്രിങ്ക്ളര് ഇടപാട്; സിബിഐ അന്വേഷണം വേണമെന്ന് കെ. സുധാകരന്
കണ്ണൂര്: സ്പ്രിങ്ക്ളര് ഇടപാട് സംബന്ധിച്ച് സിബിഐ അന്വേഷണം വേണമെന്ന് കെ. സുധാകരന് എംപി. മുഖ്യമന്ത്രിയുടെ അറിവോടെയാണ് അമേരിക്കന് കമ്പനിയുമായി ഇടപാടെന്നാണ് ഐടി സെക്രട്ടറി വെളിപ്പെടുത്തിയത്. സ്പ്രിങ്ക്ളര് ഇടപാടില് നിയമോപദേശം തേടിയിട്ടില്ലെന്നും സെക്രട്ടറി പറഞ്ഞിട്ടുണ്ട്. ജനങ്ങളുടെ സ്വകാര്യത വിറ്റ് കാശുണ്ടാക്കുന്ന ആദ്യ സര്ക്കാരാണിതെന്നും അദ്ദേഹം കുറ്റപ്പെടുത്തി.
കീഴ്വഴക്കവും ചട്ടങ്ങളും മുഴുവനും ലംഘിച്ചാണ് ഇടപാട് നടത്തിയതെന്ന് ഐടി സെക്രട്ടറി തന്നെ വെളിപ്പെടുത്തിയിട്ടുണ്ടെന്നും അദ്ദേഹം പറഞ്ഞു. ഈ കരാര് സംബന്ധിച്ച പുകമറ നീക്കാനും മുഴുവന് വസ്തുതയും പുറത്തുകൊണ്ടുവരാനും സിബിഐ അന്വേഷണം വേണമെന്നും സുധാകരന് കൂട്ടിച്ചേര്ത്തു.