സ്പ്രിങ്ക്ളര് അന്വേഷണ റിപ്പോര്ട്ടില് മുഖ്യമന്ത്രിക്ക് ക്ലീന് ചിറ്റ്
തിരുവനന്തപുരം: സംസ്ഥാനത്ത് വന് വിവാദം സൃഷ്ടിച്ച സ്പ്രിങ്ക്ളര് കരാറിന്റെ വിവരങ്ങള് മുഖ്യമന്ത്രി പിണറായി വിജയന് അറിഞ്ഞിരുന്നില്ലെന്ന് അന്വേഷണ റിപ്പോര്ട്ട്. എല്ലാം തീരുമാനിച്ചത് മുന് ഐടി വകുപ്പ് സെക്രട്ടറി എം ശിവശങ്കറാണ്. മാധവന് നായര് കമ്മിറ്റി റിപ്പോര്ട്ടില് എം ശിവശങ്കറിനെതിരെ ഗുരുതരമായ കണ്ടെത്തലുകളാണ് ഉള്ളത്. സ്പ്രിന്ക്ലര് തയാറാക്കിയ കരാര്രേഖ ഐടി സെക്രട്ടറിയായിരുന്ന എം.ശിവശങ്കര് ഏകപക്ഷീയമായി നടപ്പാക്കിയതിലൂടെ പൊതുജനങ്ങളുടെ വിവരങ്ങള്ക്കുമേല് കമ്ബനിക്കു സമ്ബൂര്ണ അവകാശം നല്കുന്ന സ്ഥിതിയുണ്ടായെന്നും വിദഗ്ധസമിതിയുടെ റിപ്പോര്ട്ടിലുണ്ട്.
കോവിഡ് പ്രതിരോധ കാര്യങ്ങള് ആരോഗ്യ വകുപ്പിനു കീഴിലാണെന്നും ഐടി വകുപ്പ് സഹായി മാത്രമായിരിക്കണമെന്നും ഫയലില് എഴുതിയിരുന്നെന്ന് ആരോഗ്യ പ്രിന്സിപ്പല് സെക്രട്ടറി രാജന് ഖോബ്രഗഡെ സമിതിയെ അറിയിച്ചു. സ്പ്രിന്ക്ലര് സംബന്ധിച്ച് ആരോഗ്യ വകുപ്പുമായി ചര്ച്ച നടന്നിട്ടില്ല. സ്പ്രിന്ക്ലറുമായി ചര്ച്ച നടത്തിയത് ഐടി വകുപ്പ് ഉന്നതരുടെ അനൗദ്യോഗിക സംഘമാണ്. പല തവണ ആവശ്യപ്പെട്ടിട്ടും ഒരു യോഗത്തിന്റെ പോലും മിനിറ്റ്സ് വിദഗ്ധസമിതിക്കു ലഭ്യമാക്കിയില്ല.