നൂറ്റാണ്ടിലെ വിസ്മയമായി വലയഗ്രഹണം
കാസർഗോഡ് : പൂര്ണ വലയ സൂര്യഗ്രഹണമെന്ന നൂറ്റാണ്ടിലെ അത്ഭുതത്തിനു സാക്ഷികളായി പതിനായിരങ്ങൾ. ഇന്ത്യയിൽ കാസര്കോട് ചെറുവത്തൂരാണ് ഗ്രഹണം വ്യക്തമായി ആദ്യം ദൃശ്യമായത്. അൽപ്പസമയത്തിനകം കണ്ണൂരും വലയഗ്രഹണം വ്യകതമായി പ്രകടമായി.
9.26 മുതല് 9.30 വരെ നീണ്ടുനിന്ന വലയ സൂര്യഗ്രഗണ സമയത്ത് സൂര്യന്റെ 90 ശതമാനവും ചന്ദ്രൻ സൂര്യനെ മറച്ചു. വലയ ഗ്രഹണം കാണാൻ സൗകര്യം ഒരുക്കിയ എല്ലാ സ്ഥലങ്ങളിലും പ്രായഭേദമന്യേ നിരവധി ആളുകളാണ് എത്തിച്ചേർന്നത്. കാസർഗോഡ് ചെറുവത്തൂരിന് പുറമെ തിരുവനന്തപുരം, കോട്ടയം, കൊച്ചി, തിരുവനന്തപുരം തുടങ്ങി വിവിധ ഇടങ്ങളില് വലയ ഗ്രഹണം വീക്ഷിക്കുന്നതിനായി സൗകര്യങ്ങള് ഒരുക്കിയിരുന്നു.