ശബരിമല തീര്ത്ഥാടകര് കൊവിഡ് സര്ട്ടിഫിക്കേറ്റ് ഹാജരാക്കണം; മുഖ്യമന്ത്രി
ശബരിമല തീര്ത്ഥാടനത്തിനെത്തുന്നവര് കൊവിഡ് നെഗറ്റീവ് സര്ട്ടിഫിക്കേറ്റ്ഹാജരാക്കണമെന്ന് മുഖ്യമന്ത്രി പിണറായി വിജയന്. ശബരിമലയിലേക്കുള്ള പ്രധാന വഴികളില് കിയോസ്കികള് സ്ഥാപിച്ചിട്ടുണ്ട്. അവയുടെ സേവനം തീര്ത്ഥാടകര്ക്ക് ഉപയോഗപ്പെടുത്താമെന്നും മുഖ്യമന്ത്രി വ്യക്തമാക്കി.
ആന്റിജന് ടെസ്റ്റില് ഫലം നെഗറ്റീവായാലും കൊവിഡ് വരാനുള്ള സാധ്യത 100 ശതമാനം തള്ളിക്കളയാനാവില്ല. നിലയ്ക്കലും പമ്ബയിലും ആളുകള് കൂടിനില്ക്കുന്നത് ഒഴിവാക്കണം. ടോയ്ലറ്റുകള് ഇടയ്ക്കിടെ അണുവിമുക്തമാക്കണം. നിര്ബന്ധമായും എല്ലാ ജാഗ്രതാ നിര്ദേശങ്ങളും പാലിക്കണം. ശബരിമലയില് എത്തിയാലും കൈകള് ശുചിയാക്കി വയ്ക്കുകയും മാസ്ക് ധരിക്കണമെന്നും മുഖ്യമന്ത്രി പറഞ്ഞു. മാത്രമല്ല, തീര്ത്ഥാടകര്ക്കൊപ്പം വരുന്ന പാചകക്കാര്, ഡ്രൈവര്മാര്, ക്ലീനര്മാര് ഇവരെല്ലാം നിര്ബന്ധമായും കൊവിഡ് പ്രോട്ടോക്കോള് പാലിക്കണമെന്നും മുഖ്യമന്ത്രി പറഞ്ഞു.