കശ്മീരില്‍ ഭീകരര്‍ സ്ഥാപിച്ച അത്യുഗ്ര സ്‌ഫോടന ശേഷിയുള്ള ഐഇഡി ബോംബ് നിര്‍വീര്യമാക്കി
ശ്രീനഗര്‍: ജമ്മു കശ്മീരില്‍ ഭീകരര്‍ സ്ഥാപിച്ച അത്യുഗ്ര സ്‌ഫോടന ശേഷിയുള്ള ഐഇഡി ബോംബ് നിര്‍വീര്യമാക്കി സുരക്ഷാ സേന. പുല്‍വാമ ജില്ലയിലെ രാജ്‌പ്പോറ മേഖലയില്‍ ഒരു സാന്‍ട്രോ കാറില്‍ നിന്നാണ് സുരക്ഷാ സേന ഐഇഡി ബോംബ് കണ്ടെത്തിയത്. 44 രാഷ്ട്രീയ റൈഫിള്‍സ്, സിആര്‍പിഎഫ് പുല്‍വാമ പൊലീസ് എന്നിവര്‍ സംയുക്തമായി നടത്തിയ ഓപ്പറേഷനിലാണ് ഐഇഡി കണ്ടെത്തിയത്. ബോംബ് സ്‌ക്വാഡിന്റെ സഹായത്തോടെയാണ് ഐഇഡി നിര്‍വീര്യമാക്കിയത്.
ഭീകരര്‍ ഒരു വാഹനത്തില്‍ ഐഇഡി ബോംബുകള്‍ സ്ഥാപിച്ചിട്ടുണ്ടെന്ന് സുരക്ഷാ സേനയ്ക്ക് രഹസ്യ വിവരം ലഭിച്ചിരുന്നു. ഇതിന്റെ അടിസ്ഥാനത്തില്‍ നടത്തിയ പരിശോധനയിലാണ് കാറില്‍ നിന്നും ബോംബ് കണ്ടെത്തിയത്. ബോബ് പൊട്ടിത്തെറിച്ചിരുന്നുവെങ്കില്‍ നിരവധി നാശനഷ്ടങ്ങള്‍ ഉണ്ടായേനെയെന്ന് സൈനിക വൃത്തങ്ങള്‍ റിപ്പോര്‍ട്ട് ചെയ്തു. കാറില്‍ ഒരു ഭീകരന്‍ ഉണ്ടായിരുന്നുവെന്നും സുരക്ഷാ ഉദ്യോഗസ്ഥരെ കണ്ടതോടെ ഇയാള്‍ ഓടിരക്ഷപ്പെട്ടുവെന്നും സൈനിക വൃത്തങ്ങള്‍ അറിയിച്ചു.
Related News
ബിജെപി നേതാവും നടിയുമായ ജയപ്രദയ്ക്ക് ആറ് മാസം തടവ് ശിക്ഷ
ജമ്മു കശ്മീരില്‍ ഏറ്റുമുട്ടല്; രണ്ടു ഭീകരരെ സൈന്യം വധിച്ചു
ബംഗളൂരുവില് ഭീകരാക്രമണം നടത്താന് പദ്ധതിയിട്ടവരുമായി ബന്ധം; തടിയന്റവിട നസീര് കസ്റ്റഡിയില്
കശ്മീരില്‍ ഭീകരാക്രമണം ; രണ്ട് ജവാന്മാര്ക്ക് വീരമൃത്യു