അഭിനയത്തേക്കാൾ താൻ പഠിത്തത്തിൽ മിടുക്കിയാണെന്നാണ് അധ്യാപകർ പറയുന്നത് : പ്രിയ വാര്യർ
കൊച്ചി : ഒരു അഡാർ ലവിലൂടെ മലയാളികളുടെയും ലോകത്തിന്റെ മുഴുവൻ ശ്രദ്ധ പിടിച്ചുപറ്റിയ പ്രിയ വാര്യർ അഭിനയത്തിൽ മാത്രമല്ല പഠിത്തത്തിലും മിടുക്കിയാണ് എന്നാണ് അറിയുന്നത്. പറയുന്നത് നടി പ്രിയ വാര്യർ തന്നെയാണ്. അഭിനയത്തേക്കാൾ താൻ പഠിത്തത്തിൽ മിടുക്കിയാണെന്നാണ് അധ്യാപകർ ഒന്നടങ്കം പറയുന്നത് എന്നാണ് പ്രിയ പറയുന്നത്.രണ്ടാം വർഷ കോമേഴ്സ് ബിരുദ വിദ്യാർഥിനിയാണ് പ്രിയ.
ഒരു അഡാർ ലവിനു ശേഷം പ്രിയ നല്ല തിരക്കിലാണ്. 'ശ്രീദേവി ബംഗ്ലവ് എന്ന ചിത്രത്തിലൂടെ ബോളിവുഡിലും അരങ്ങേറിയ പ്രിയ ഇപ്പോൾ മറ്റൊരു ബോളിവുഡ് ചിത്രത്തിലാണ് അഭിനയിക്കുന്നത്. ക്രൈം ത്രില്ലറായ ലവ് ഹാക്കർ എന്ന ചിത്രത്തിലാണ് പ്രിയ ഇപ്പോൾ അഭിനയിക്കുന്നത്. മായങ്ക് പ്രകാശ് ശ്രീവാസ്‍തവയാണ് ചിത്രം സംവിധാനം ചെയ്യുന്നത്. സൈബര്‍ ക്രൈമിനെകുറിച്ചുള്ളതാണ് ചിത്രം. ലഖ്നൗ, ദില്ലി,ഗുര്‍ഗൌണ്‍, മുംബൈ തുടങ്ങിയവയാണ് പ്രധാന ലൊക്കേഷൻ.