പിണറായിക്കെതിരെ പ്രേമചന്ദ്രൻ
കൊല്ലം : മുഖ്യമന്ത്രി പിണറായി വിജയനെതിരെ കടുത്ത വിമർശനങ്ങളുമായി ആർഎസ്പി നേതാവും കൊല്ലത്തെ യുഡിഎഫ് സ്ഥാനാർത്ഥിയുമായിരുന്ന എൻ കെ പ്രേമചന്ദ്രൻ. പ്രേമചന്ദ്രന്റെ കൊല്ലത്തെ വലിയ വിജയത്തിന് പിന്നാലെ ഒരു ചാനലിന് നൽകിയ അഭിമുഖത്തിലാണ് ഈ വിമർശനങ്ങൾ.
പിണറായി വിരുദ്ധതയാണ് തിരഞ്ഞെടുപ്പില് വോട്ടായി മാറിയത്. പിണറായിയുടെ ധിക്കാരത്തിനും ധാര്ഷ്ട്യത്തിനും ജനം നല്കിയ തിരിച്ചടിയാണ് തിരഞ്ഞെടുപ്പ് ഫലം. ഇടതിന്റെ നന്മയെ പിണറായി തകര്ക്കുന്നുവെന്നും പ്രേമചന്ദ്രന് ആരോപിച്ചു.
കേരളത്തില് ഇങ്ങനെയൊരു ഭരണസംവിധാനം വേണമോയെന്ന് സിപിഎം കേന്ദ്രനേതൃത്വം ആലോചിക്കണം. ബിജെപി പോലും നടപ്പാക്കാത്ത നവലിബറല് നയങ്ങളാണ് പിണറായി നടപ്പാക്കികൊണ്ടിരിക്കുന്നതെന്നും പ്രേമചന്ദ്രന് ആരോപിച്ചു.