വാർണർക്ക് പുതിയ ഇരട്ടപ്പേര്
പന്തു ചുരണ്ടൽ വിവാദവും ശിക്ഷാനടപടികളും ഓസ്ട്രേലിയൻ ക്രിക്കറ്റർ ഡേവിഡ് വാർണറുടെ പോരാട്ടവീര്യം കൂട്ടിയതേയുള്ളൂ. ലോകകപ്പിൽ പടക്കുതിരയെപ്പോലെ കുതിക്കുകയാണ് വാർണർ. താരത്തിന്റെ പ്രകടനം കണ്ട് സഹകളിക്കാർ ഒരു പുതിയ ഇരട്ടപ്പേര് നൽകിയിരിക്കുകയാണ്. ഹംബുൾ. ഹംബിൾ എന്ന വാക്കും ബുൾ എന്ന വാക്കും കൂടി ലോപിപ്പിച്ചാണ് ഹംബുൾ എന്ന പേര് ഇവർ നൽകിയത്. ബുൾ(കാള) എന്ന ഇരട്ടപ്പേര് നേരത്തെ തന്നെ വാർണർക്കു ഉണ്ടായിരുന്നു.
ആറു മത്സരങ്ങളിൽ നിന്നായി 447 റൺസാണ് ഈ ഓസ്ട്രേലിയൻ ഓപ്പണർ നേടിയത്. രണ്ടു സെഞ്ചുറികളും ഇതിൽ ഉൾപ്പെടുന്നു. ബംഗ്ളാദേശിനെതിരെ തന്റെ ഉയർന്ന വ്യക്തിഗത സ്കോറും കുറിച്ചു– 166 റൺസ്.