ദേശീയ അവാർഡിന് മത്സരിക്കാൻ മോഹൻലാലും മമ്മൂട്ടിയും ഫഹദ് ഫാസിലും
2018 ലെ ഇന്ത്യൻ ദേശീയ ചലച്ചിത്ര അവാർഡ് നിർണ്ണയം ഇപ്പോൾ നടന്നു കൊണ്ടിരിക്കുകയാണ്. തിരഞ്ഞെടുപ്പ് ആയതിനാൽ ഒന്നുകിൽ ഈ മാസം അവസാനമോ അല്ലെങ്കിൽ പുതിയ ഗവൺമെന്റ് അധികാരത്തിൽ വന്നതിനു ശേഷം ജൂലൈ മാസത്തിലോ ആണ് അവാർഡ് ജേതാക്കളെ പ്രഖ്യാപിക്കു എന്നാണ് സൂചന. വിവിധ ഭാഷകളിൽ നിന്ന് എത്തിയ 400 ചിത്രങ്ങളിൽ നിന്ന് എൺപതോളം ചിത്രങ്ങൾ ആണ് അന്തിമ പട്ടികയിൽ എത്തിയിരിക്കുന്നത്. മലയാളത്തിൽ മോഹൻലാൽ, മമ്മൂട്ടി, ഫഹദ് ഫാസിൽ എന്നിവർ അഭിനയിച്ച ചിത്രങ്ങൾ ഈ പട്ടികയിൽ ഇടം നേടിയിട്ടുണ്ട്. ഇത്തവണ കേരളാ സംസ്ഥാന അവാർഡ് ലഭിച്ച സൗബിൻ ഷാഹിറിന് ദേശീയ തലത്തിൽ പ്രത്യേക പരാമർശം ലഭിക്കാൻ ഉള്ള സാധ്യത ഉണ്ടെന്നും സൂചനകൾ പറയുന്നു.