ചരിത്രമെഴുതാൻ മറ്റൊരു റേഡിയോ കല്യാണം | "മിഥുനത്തിൽ താലികെട്ട്'
കഴിഞ്ഞവർഷം തിരുവനന്തപുരത്തു നടന്ന താര-ലിബിൻ റേഡിയോ കല്യാണം ആരും മറക്കാനിടയില്ല. 92.7 BIG FM മലയാളത്തിന്റെ നേതൃത്വത്തിൽ നടന്ന "മിഥുനത്തിൽ താലികെട്ട്' എന്ന ആ ചടങ്ങ് രണ്ടാം വർഷത്തിലേക്ക് കടക്കുകയാണ്. ലോകമലയാളികളാകെ ഈ പരിപാടിയെകുറിച്ചുള്ള ചർച്ചയിലാണ്. അത്രത്തോളം സ്വീകാര്യത ഈ പരിപാടിക്ക് ലഭിച്ചിട്ടുണ്ട് എന്നതുതന്നെ കാരണം.ഇത്തവണ ശീതൾ എന്ന പെൺകുട്ടിയെ ദത്തെടുത്താണ് വിവാഹം ചെയ്ത അയക്കുന്നത്. 92.7 BIG FM മലയാളത്തിന്റെ പ്രോഗ്രാം ഹെഡ് കിടിലം ഫിറോസ് ആണ് പെൺകുട്ടിയുടെ സഹോദര സ്ഥാനത്ത് നിന്നും കല്യാണം നടത്തുന്നത്.
തിരുവനന്തപുരം ജില്ലയിൽ കഴക്കൂട്ടത്ത് ബന്ധുവീട്ടിലാണ് ശീതളിന്റെ താമസം. ശ്രീചിത്രാ പുവർ ഹോമിൽ നിന്നുമുള്ള റെഫെറെൻസിലാണ് 92.7 BIG FM മലയാളം ശീതളിനെ കണ്ടെത്തുന്നത്. ജൂലൈ 7ന് കാര്യവട്ടം സ്പോർട്സ് ഹബ്ബിലെ ട്രാവൻകൂർ ഇന്റർനാഷണൽ കൺവെൻഷൻ സെന്ററിൽ വച്ചാണ് വിവാഹം. കൊല്ലംകാരനായ ഷൈൻ ആണ് വരൻ. പകൽ 11:10 നും 11:40 നും ഇടയിലുള്ള ശുഭമുഹൂർത്തത്തിലാണ് വിവാഹം.
ജൂൺ മാസം 16 ന് ഉദയസമുദ്ര ബീച്ച് റിസോർട്സിൽ വച്ചായിരുനു വിവാഹനിശ്ചയം. ഇതിനായി ഉദയസമുദ്ര അവരുടെ ഹാൾ സൗജന്യമായി നല്കുകയിരുന്നു. വിവാഹത്തിനുള്ള ഹാൾ, ഫോട്ടോഗ്രാഫി, സദ്യ തുടങ്ങി എല്ലാം പല മേഖലകളിൽ നിന്നുള്ള സംഭാവനയാണ്.
മംഗളാശംസകൾ.