മിഥുനത്തിൽ താലിക്കെട്ട് നാളെ

Kailas V Nair

06 July 2019 07:07 PM

"മിഥുനത്തിൽ താലികെട്ട്"
നാളെയാണ് നാടിൻറെ പെങ്ങളുടെ കല്യാണ ഉത്സവം !!നാട്ടുകാർ ,92.7 BIG FM Malayalam ശ്രോതാക്കൾ സ്നേഹസഹായങ്ങൾ കൊണ്ട് മൂടുകയാണ് .
*ഓടിയും വീണും പിന്നേയും ഓടിയുമൊക്കെ പത്തുപവന്റെ ആഭരണങ്ങൾ സെറ്റ് ആക്കിയിട്ടുണ്ട് .
*ആരും മോശം പറയാത്ത വിവാഹവസ്ത്രങ്ങൾ ശരിയാക്കിയിട്ടുണ്ട് .
*വരുന്നവർക്കുള്ള ഭക്ഷണം തയാറാക്കിയിട്ടുണ്ട് .
*വിവാഹവേദി അലങ്കാരപ്പണികൾ തുടങ്ങിയിട്ടുണ്ട് .
*രണ്ടു ഗായകസംഘങ്ങളുടെ കലാപരിപാടികൾ സെറ്റ് ചെയ്തിട്ടുണ്ട് .
*മണ്ഡപത്തിനടുത്തായി ഒരു രക്തദാനക്യാമ്പ് ക്രമീകരിച്ചിട്ടുണ്ട് .
*പ്ലാസ്റ്റിക് രഹിത വിവാഹമാക്കുവാൻ പരിശ്രമിച്ചിട്ടുണ്ട് .
*വിവാഹം കൂടാനെത്തുന്നവർക്ക് നൽകുവാൻ വൃക്ഷതൈകൾ ശരിയാക്കിയിട്ടുണ്ട് .
*ഓര്മയിൽസൂക്ഷിക്കാൻ പച്ചക്കറിവിത്തുകൾ നിങ്ങൾക്കായി നല്കാൻ തയാറാക്കിയിട്ടുണ്ട്
*രാഷ്ട്രീയ സാംസ്‌കാരിക സിനിമാ മേഖലയിലുള്ളവരെ ക്ഷണിച്ചിട്ടുണ്ട് .
*നാട്ടിലെ പത്തോളം അനാഥാലയങ്ങളിലെ അന്തേവാസികളെ വിശിഷ്ടാതിഥികളായി വാഹനം ക്രമീകരിച്ചു എത്തിക്കുന്നുണ്ട് .
*മറുവീടുൾപ്പെടെ ഒരുവിവാഹത്തിന്റേതായ മുഴുവൻ ചടങ്ങുകളും ഉൾപ്പെടുത്തിയിട്ടുണ്ട് .

ഇതൊക്കെ ഞങ്ങൾക്ക് ഒരുക്കിത്തന്നത് ,പ്രിയപ്പെട്ടവരേ ,നിങ്ങളാണ് !!
ഒരു പാവം പെങ്ങൾക്ക് ഒരുനാടൊരുക്കിയ സ്വപ്നതുല്യമായ വിവാഹം !!പങ്കെടുക്കാൻ എല്ലാവരും ഉറപ്പായും എത്തണം .നാളെ രാവിലെ 10 മണിക്ക് കാര്യവട്ടം ട്രാവൻകൂർ കൺവെൻഷൻ സെന്റർ ഇൽ .

(വളരെകുറച്ചുപേർ ചില സ്നേഹപൂർവമുള്ള ചോദ്യങ്ങൾ ചോദിച്ചു .ചോദ്യവും ഞങ്ങളുടെ മറുപടിയും ചുവടെ ,
*ഇങ്ങനാണെങ്കിൽ നിങ്ങൾക്ക് മൂന്നോ നാലോ പെൺകുട്ടികളെ കെട്ടിച്ചുകൂടായിരുന്നോ എന്ന് .ഉത്തരം -ഒരാളുടേതിന് ഞങ്ങളോടിയ ഓട്ടം വിവരിക്കാനാകാത്തതാണ്‌ .അടുത്തപ്രാവശ്യം ശ്രമിക്കാം .
*ചെറിയ രീതിയിൽ നടത്തിയാൽ പോരേ ?ഉത്തരം -ഞങ്ങൾ ചെറിയതായി പ്ലാൻ ചെയ്തതാണ് .പക്ഷേ ഞങ്ങളുടെ പ്രിയപ്പെട്ട തിരുവനന്തപുരം നിവാസികൾ എല്ലാമെല്ലാം സൗജന്യമായി തന്നു വമ്പൻ സംഭവമാക്കി .ഒരുപെൺകുട്ടീടെ കല്യാണമല്ലേ ,അവൾ സന്തോഷിച്ചോട്ടെ !
*സോഷ്യൽ മീഡിയയിൽ ഇതൊക്കെ പറയുന്നതെന്തിനാ ?നിങ്ങൾ അങ്ങുനടത്തിയാൽ പോരേ ?
-അതെന്ത് ചോദ്യമാണ് ഭായ് ,നല്ലതു നാടറിയാനല്ലേ സോഷ്യൽ മീഡിയ ?സെക്രട്ടേറിയറ്റ്‌ മാർച്ചും രാഷ്ട്രീയവിഴുപ്പലക്കലും കൊല്ലും കൊലയുമൊക്കെ ചർച്ചചെയ്യപ്പെടുന്നിടത്ത് ഞങ്ങൾ ചെയ്യുന്ന നന്മകൾ പോസ്റ്റുചെയ്‌യുന്നത് എത്രയോ ആശ്വാസകരമാണ് .കുറേയേറെപ്പേർക്കെങ്കിലും !!!
*ആഡംബരമല്ലേ ?ഇത്രക്കൊക്കെ വേണോ ??
-ആഡംബരമാണ് !!ഇഷ്ടംകൊണ്ടുള്ള ആഡംബരം !മിഥുനത്തിൽ താലികെട്ടെന്ന പരിപാടിയുടെ ആവശ്യത്തിനായി ഒരുമോട്ടുപിൻ മുതൽ കല്യാണവേദി വരെയുള്ള സകലതും ,സകലതും ഓരോരുത്തരുടെ ദാനമാണ് ! ഒരൊറ്റരൂപ ധൂർത്തില്ല .ഭക്ഷണം ഉൾപ്പെടെ ,വാഹനം ഉൾപ്പെടെ ,അലങ്കാരങ്ങൾ ഫോട്ടോ ,വീഡിയോ ഒക്കെയും ഓരോരുത്തരുടെ വകയായി ഞങ്ങൾക്ക് സമ്മാനിച്ചതാണ് !പെങ്ങളൂട്ടിയുടെ കല്യാണം ഗംഭീരമാക്കാൻ !!
*ഓരോ ജൂവല്ലേറിടേം വസ്ത്ര വ്യാപാര സ്ഥാപനത്തിന്റെയുമൊക്കെ പോസ്റ്റുകൾ ഇടുന്നതെന്തിനാ ?
-തന്നവരാണ് .തിരികെയൊന്നും പ്രതീക്ഷിക്കാതെ കൈ അയച്ചു സഹായിച്ചവർ .തിരികെ അവരെ നല്ലതുപറഞ്ഞില്ലെങ്കിലാണ് ഞങ്ങൾ ചോദ്യം ചെയ്യപ്പെടേണ്ടത് !
**വിമർശിക്കാൻ വളരെയെളുപ്പമാണ് !ഒരു വിവാഹം നടത്തിയെടുക്കൽ വിമര്ശിക്കുന്നതിന്റെ അത്ര എളുപ്പമല്ല !നാളെ പെങ്ങളുടെ വിവാഹംകഴിഞ്ഞു വരന്റെ വീട്ടിൽ നിലവിളക്കുമായി ചെന്നുകയറി അവളവിടെ അവരുടെ കുടുംബാംഗമാകും വരെ ഞങ്ങൾക്ക് ടെൻഷനാണ് .***)

അപ്പോപ്പിന്നെ എല്ലാരും എത്തണേ ...
ഒന്നുമില്ലയ്മയിൽനിന്നും എങ്ങിനെ ഒരു സ്വപ്നം പണിയാനാകും എന്നതിന് സാക്ഷിയാകാൻ !!!

അഞ്ചുപവനായിരുന്നു മനസ്സിൽ !
നിങ്ങളൊക്കെ ചേർന്ന് അത് എട്ടരപവനാക്കി !!
ഇന്നലെ Perepadans gold park Trivandrum,അത് 10 പവനാക്കി തികച്ചു !!!!
@perepadans gold park ലെ സഹോദരങ്ങൾ മിഥുനത്തിൽ താലികെട്ട് എന്ന ഞങ്ങൾ ഏറ്റെടുത്തുനടത്തുന്ന വിവാഹത്തിലേക്ക് ഒന്നരപവന്റെ നെക്ലേസ് സമ്മാനിച്ചു !!!
ശീതൾ എന്ന പെങ്ങളൂട്ടി ഒറ്റക്കല്ല !!ഒരുനാടുമുഴുവനുണ്ട് അവൾക്കൊപ്പം

15000 രൂപയുടെ വിവാഹ വസ്ത്രങ്ങൾ ആറ്റിങ്ങൽ സ്വയംവര സിൽക്‌സ് നൽകി.