കൊവിഡ് 19: മലപ്പുറത്ത് മദ്യശാലകൾ അടച്ചിടും

News Desk

19 March 2020 01:08 PM

മലപ്പുറം : കൊവിഡ് തടയുന്നതിന്‍റെ ഭാഗമായി നഗരസഭാ പരിധിയിലെ ബിവറേജസ് കോർപ്പറേഷന്‍റെയും കൺസ്യൂമർ ഫെഡിന്‍റെയും മദ്യശാലകൾ അടച്ചിടാൻ നോട്ടീസ് നൽകാൻ മലപ്പുറം നഗരസഭ. കൗൺസിൽ യോഗത്തിന്‍റെ താണ് തീരുമാനം. ഈ മാസം 31 വരെ അടച്ചിടണമെന്ന് കാണിച്ച് നൊട്ടീസ് നൽകാൻ സെക്രട്ടറിക്ക് നിർദ്ദേശം നൽകി.

എന്നാൽ മദ്യശാലകൾ അടച്ചിടേണ്ടെന്ന തീരുമാനത്തിൽ ഉറച്ചു നിൽക്കുകയാണ് സംസ്ഥാന സർക്കാർ. ഈ അവസരത്തിലാണ് യുഡിഎഫ് ഭരിക്കുന്ന മലപ്പുറം നഗരസഭ പരിധിക്കുള്ളിൽ വരുന്നവ അടക്കാൻ കൗൺസിൽ തീരുമാനമെടുത്തത്. കൊറോണ വൈറസ് വ്യാപനം തടയുന്നതിന്‍റെ ഭാഗമായി വിദ്യാഭ്യാസ സ്ഥാപനങ്ങൾ ഉൾപ്പെടെ അടച്ചിട്ട സാഹചര്യത്തിൽ മദ്യശാലകൾ തുറന്ന് പ്രവർത്തിക്കുന്നത് അപകടമാണെന്ന് ചുണ്ടിക്കാട്ടി കൗൺസിലർ നൽകിയ കത്തിന്‍റെ അടിസ്ഥാനത്തിലാണ് വിഷയം ചർച്ചയായത്.