കെഎസ്യു സെക്രട്ടറിയേറ്റ് മാർച്ചിൽ സംഘർഷം : നാളെ കെഎസ്യു വിദ്യാഭ്യാസ ബന്ദ്
തിരുവനന്തപുരം ∙ ഖാദർ കമ്മറ്റി റിപ്പോർട്ട് നടപ്പിലാക്കുന്നതിൽ പ്രതിഷേധിച്ച് സെക്രട്ടറിയേറ്റിലേക്ക് കെഎസ്യു നടത്തിയ മാർച്ചിൽ സംഘർഷം. മാർച്ചിനിടെ കല്ലേറും ലാത്തിച്ചാർജും ഉണ്ടായി. പൊലീസ് കണ്ണീർവാതകവും ജലപീരങ്കിയും പ്രയോഗിച്ചെങ്കിലും പ്രവർത്തകർ പിരിഞ്ഞു പോകാൻ തയാറായില്ല. സംഘർഷത്തിൽ കെഎസ്യു നേതാക്കള്ക്കും പ്രവര്ത്തകര്ക്കും പരുക്കേറ്റു. പരുക്കേറ്റ കെഎസ്യു പ്രവർത്തകരെ താലൂക്ക് ആശുപത്രിയിൽ യിൽ പ്രവേശിപ്പിച്ചു . പോലീസിൻറെ നടപടിക്കെതിരെ നാളെ (04-07-2019) കെഎസ്യു വിദ്യാഭ്യാസ ബന്ദ് ആചരിക്കുമെന്ന് സംസ്ഥാന അധ്യക്ഷൻ കെഎം അഭിജിത്ത് അറിയിച്ചു.