വ്യതിയാനങ്ങള് നേരിടാന് സുസജ്ജമെന്ന് കെഎസ്ഇബി
തിരുവനന്തപുരം ; ഏപ്രില് 5 ന് 9 മണിക്ക് വൈദ്യുതി വിളക്കുകള് അണയ്ക്കണം എന്ന പ്രധാനമന്ത്രിയുടെ ആഹ്വാനത്തോടനുബന്ധിച്ച് ഉണ്ടായേക്കാവുന്ന വൈദ്യുതി ആവശ്യകതയിലെ പെട്ടെന്നുണ്ടാകാന് സാധ്യതയുള്ള വ്യതിയാനങ്ങള് നേരിടാന് കെഎസ്ഇബി സജ്ജം. 9 മണിയോടെ വൈദ്യുതി ആവശ്യകതയില് പെട്ടെന്ന് ഏതാണ്ട് 350-400 മെഗാവാട്ടിന്റെ കുറവ് ഉണ്ടാകുമെന്നും തുടര്ന്ന് 9 മിനിറ്റിനുശേഷം ഈ തോതില് വൈദ്യുതി ആവശ്യകത പെട്ടെന്ന് വര്ദ്ധിക്കുമെന്നുമാണ് കണക്കാക്കുന്നത്.
ജലവൈദ്യുത പദ്ധതികളുടെ പ്രവര്ത്തനം നിയന്ത്രിക്കുന്നതിലൂടെ ഈ കുറവു മൂലമുണ്ടായേക്കാവുന്ന ഗ്രിഡ് ആഘാതം ലഘൂകരിക്കാന് വേണ്ട നടപടികള് കെ എസ് ഇ ബിയുടെ വിവിധ ജനറേറ്റിംഗ് സ്റ്റേഷനുകളും കളമശ്ശേരിയിലെ സ്റ്റേറ്റ് ലോഡ് ഡെസ്പാച്ച് സെന്ററും സംയുക്തമായി സ്വീകരിച്ചിട്ടുണ്ട്.