കെവിന് വധക്കേസ്: പ്രതികള്ക്ക് ഇരട്ട ജീവപര്യന്തം
കോട്ടയം: കെവിന് ദുരഭിമാനക്കൊലക്കേസില് പത്ത് പ്രതികള്ക്കും ഇരട്ട ജീവപര്യന്തം. കെവിന്റെ ഭാര്യയായ നീനുവിന്റെ സഹോദരനും ഒന്നാംപ്രതിയുമായ ഷാനു ചാക്കോ, രണ്ടാം പ്രതി നിയാസ് മോന്(ചിന്നു), മൂന്നാംപ്രതി ഇഷാന് ഇസ്മയില്, നാലാംപ്രതി റിയാസ് ഇബ്രാഹിംകുട്ടി, ആറാംപ്രതി മനു മുരളീധരന്, ഏഴാംപ്രതി ഷിഫിന് സജാദ്, എട്ടാംപ്രതി എന് നിഷാദ്, ഒമ്ബതാംപ്രതി ഫസില് ഷെരീഫ്, 11-ാംപ്രതി ഷാനു ഷാജഹാന്, 12-ാംപ്രതി ടിറ്റു ജെറോം എന്നിവരാണ് കുറ്റക്കാര്.
2018 മേയ് 28നാണ് നട്ടാശേരി പ്ലാത്തറ വീട്ടില് കെവിനെ(24) ചാലിയേക്കര തോട്ടില് മരിച്ചനിലയില് കണ്ടെത്തിയത്. ദളിത് ക്രിസ്ത്യനായ കെവിന് മറ്റൊരു സമുദായത്തില്പ്പെട്ട തെന്മല സ്വദേശിനി നീനുവിനെ പ്രണയിച്ച് വിവാഹം കഴിച്ചതിലുള്ള വൈരാഗ്യത്തില് തട്ടിക്കൊണ്ടുപോയി കൊലപ്പെടുത്തി എന്നാണ് കേസ്.