ലണ്ടനിൽ ഇന്ന് കേരളത്തിന്റെ മണി മുഴക്കം
കിഫ്ബി മസാല ബോണ്ട് ലണ്ടൻ എക്സ്ചേഞ്ചിൽ വെള്ളിയാഴ്ച ഔദ്യോഗികമായി ലിസ്റ്റ് ചെയ്യും.ലണ്ടൻ ഓഹരിവിപണിയിൽ ഓഹരി ലിസ്റ്റ് ചെയ്യുന്ന ഇന്ത്യയിലെ ആദ്യ സംസ്ഥാനതല സ്ഥാപനമാണ് കിഫ്ബി.
ഇന്ന് ലണ്ടൻ സ്റ്റോക്ക് എക്സ്ചേഞ്ച് തുറക്കുന്നത് കേരള മുഖ്യമന്ത്രി പിണറായി വിജയൻ മണി മുഴക്കിക്കൊണ്ടായിരിക്കും.ഇത്തരമൊരു ചടങ്ങിനായി ഇന്ത്യയിലെ ഒരു മുഖ്യമന്ത്രിയെ ലണ്ടൻ സ്റ്റോക്ക് എക്സ്ചേഞ്ച് ക്ഷണിക്കുന്നത് ഇതാദ്യമാണ്.
കെ.എസ്.എഫ്.ഇ. പ്രവാസിച്ചിട്ടിയുടെ യൂറോപ്പ്തല ഉദ്ഘാടനം വെള്ളിയാഴ്ച ഉച്ചകഴിഞ്ഞ് രണ്ടരയ്ക്ക് ലണ്ടനിലെ മോൺട്കാം റോയൽ ലണ്ടൻ ഹൗസ് ഹോട്ടലിൽ മുഖ്യമന്ത്രി നിർവഹിക്കും. ധനമന്ത്രി തോമസ് ഐസക്കും ചടങ്ങിൽ സംബന്ധിക്കും..ഇതോടെ യൂറോപ്യൻ രാജ്യങ്ങളിലുള്ള മലയാളികൾക്കും പ്രവാസിച്ചിട്ടിയിൽ ചേരാം.