രാഷ്ട്രീയ - കലാ - സാംസ്ക്കാരിക കേന്ദ്രങ്ങളും ബജറ്റ് വിഹിതവും

News Desk

07 February 2020 03:49 PM

തിരുവനന്തപുരം: അന്തരിച്ച മുൻ ധനമന്ത്രിയും കേരള കോൺഗ്രസ് നേതാവുമായിരുന്ന കെഎം മാണിയുടെ പേരിൽ സ്മാരകം പണിയാൻ പണം വകയിരുത്തി സംസ്ഥാന ബജറ്റ്. ധനമന്ത്രി തോമസ് ഐസക് ഇന്ന് നിയമസഭയിൽ അവതരിപ്പിച്ച ബജറ്റിൽ അഞ്ച് കോടി രൂപയാണ് മാണിയുടെ സ്മാരകം പണിയാൻ അനുവദിച്ചിരിക്കുന്നത്.

ഗാനഗന്ധർവൻ കെജെ യേശുദാസിനോടുള്ള ആദരസൂചകമായി യേശുദാസ് ഡിജിറ്റൽ ലൈബ്രറി സ്ഥാപിക്കും. യേശുദാസ് ഡിജിറ്റൽ ലൈബ്രറി സ്ഥാപിക്കുന്നതിനായി 75 ലക്ഷം രൂപ വകയിരുത്തിയിട്ടുണ്ട്. ലളിതകലാ അക്കാദമിക്ക് 7 കോടി, ആറ്റിങ്ങൽ കൊട്ടാരത്തിൽ പൈതൃക സ്മാരകം പണിയാൻ മൂന്ന് കോടി, വനിതാ സംവിധായർക്ക് മൂന്ന് കോടി, പട്ടിക വിഭാഗത്തിലുള്ള സംവിധായർക്ക് മൂന്ന് കോടി, അമച്വർ നാടകങ്ങൾക്ക് മൂന്ന് കോടി, ഉണ്ണായി ഉണ്ണായി വാര്യർ സാംസ്‌കാരിക നിലയത്തിന് ഒരു കോടി രൂപയും വകയിരുത്തിയതായി തോമസ് ഐസക് ബജറ്റ് പ്രസംഗത്തിൽ പറഞ്ഞു.