മലയാളി വനിതക്ക് സാമൂഹിക സേവനത്തിനു അന്തർദേശീയ പുരസ്ക്കാരം
തിരുവനന്തപുരം സ്വദേശിയും ഹെല്പിങ് ഹാൻഡ്സ് ഓർഗനൈസേഷൻ (H2O) എന്ന സാമൂഹിക സന്നദ്ധ സംഘടനയുടെ സ്ഥാപകയുമായ ജോളി ജോൺസണ് ബ്രിട്ടനിൽ നിന്നുള്ള അന്താരാഷ്ട്ര പുരസ്ക്കാരം. യുകെ പോയ്ന്റ്സ് ഓഫ് ലൈറ്റ് അവാർഡിനാണ് (UK Points of light) ജോളി അർഹയായത്. ഡൽഹിയിൽ വച്ച് നടന്ന ചടങ്ങിൽ പ്രിൻസ് ചാൾസിൽ നിന്നും ജോളി അവാർഡ് ഏറ്റു വാങ്ങി.
ജോളിയുടെ നേതൃത്വത്തിൽ, ഭിന്നശേഷിക്കാരായ കുട്ടികൾക്കായി H2O ഒരു കേന്ദ്രം നടത്തിവരികയും, അവിടെ സന്നദ്ധപ്രവർത്തകരായിട്ടുള യുവജനങ്ങൾ ഉൾപ്പടെയുള്ളവർ നിരവധി തെറാപ്പി സെഷനുകൾ, തൊഴിൽ പരിശീലനം, കുടുംബ കൗൺസിലിംഗ് എന്നിവ നടത്തുന്നു. ഭിന്നശേഷിക്കാരായ കുട്ടികളുടെ പുനരധിവാസം, ശുചിത്വ പദ്ധതികൾ തുടങ്ങി നിരവധി പ്രവർത്തനങ്ങളാണ് H2O നടത്തിവരുന്നത്. കേരളത്തെ ഭീകരമായി ബാധിച്ച പ്രളയത്തിന് ശേഷം പ്രളയ-പുനരധിവാസ പരിപാടികളിലേക്കും H2O കടക്കുകയായുണ്ടായി.ഈ പദ്ധതിയിൽ നിലവിൽ വൈദ്യസഹായങ്ങൾ, വിദ്യാഭ്യാസ വസ്തുക്കൾ, വീടുകൾ പുനർനിർമ്മിക്കൽ എന്നിവയിലൂടെ ഏകദേശം 3000ത്തിൽ അധികം ആളുകൾക്കാണ് H2O താങ്ങായി മാറിയത്.
'' കേരളത്തിലുടനീളമുള്ള ഭിന്നശേഷിക്കാരായ കുട്ടികളെ സഹായിക്കാൻ 12,000-ലധികം യുവ സന്നദ്ധ പ്രവർത്തകർക്ക് പ്രചോദനമാണ് ജോളി ജോൺസൺ. ഇതിലൂടെ, ഇന്ത്യയിൽ പഠിക്കുകയും അല്ലെങ്കിൽ ജോലി ചെയ്യുന്ന ആയിരക്കണക്കിന് മറ്റ് യുവതി യുവാക്കൾക്ക് അവരുടെ സമയം, അവരുടെ പരിശ്രമം സൗജന്യമായി നൽകാൻ താല്പര്യം കാണിക്കുന്നു. ' എന്ന് ചെന്നൈയിലെ ബ്രിട്ടീഷ് ഹൈകമ്മീഷണർ ജെറോമി പിൽമോറെ ബെഡ്ഫോർഡ് പറയുന്നു.
“ഞാൻ 2012ൽ H2O ആരംഭിച്ചപ്പോൾ, എന്റെ വിദ്യാർത്ഥി സന്നദ്ധപ്രവർത്തകർക്കൊപ്പം ഞാൻ പരിചരിച്ച ആദ്യത്തെ ആളായിരുന്നു തങ്കകമണി എന്ന ഓട്ടിസം ബാധിച്ച സ്ത്രീ. പരിപാലിക്കാൻ ആരുമില്ലാതെ വളരെ മോശം സ്ഥിതിയിലായിരുന്നു അന്ന് തങ്കമണി. ഇന്നവർ ജീവിച്ചിരിപ്പില്ല. ഈ അവാർഡ് അവർക്കായും അവരെ പോലെ ഓട്ടിസം ബാധിച്ച കുട്ടിക്കൾക്കായും ഇന്ത്യയിലെ പിന്നോക്ക പശ്ചാത്തലങ്ങളിൽ നിന്നുള്ളവർക്കുമായി ഞാൻ സമർപ്പിക്കാൻ ഞാൻ ആഗ്രഹിക്കുന്നു. അവരാണ് യഥാർത്ഥ യോദ്ധാക്കൾ . എന്റെ സന്നദ്ധപ്രവർത്തകർ, അവർ പ്രായം കുറഞ്ഞവരാണെങ്കിലും, സാമൂഹ്യപ്രവർത്തനത്തിന്റെ ആവശ്യകത മനസ്സിലാക്കുന്നവരാണ് എന്നതിൽ ശരിക്കും സന്തോഷമുണ്ട് '' എന്നും അവാർഡ് ജേതാവ് കൂടിയായ ജോളി ജോൺസൻ പറയുന്നു.