സർക്കാരിന് ജേക്കബ് തോമസിന്റെ കത്ത്
കൊച്ചി: സര്വീസില് തിരിച്ചെടുക്കാനുള്ള ഉത്തരവില് തീരുമാനമെടുക്കണമെന്ന് ആവശ്യപ്പെട്ട് ഡി.ജി.പി. ജേക്കബ് തോമസ് സംസ്ഥാന സര്ക്കാരിന് കത്ത് നല്കി. കേന്ദ്ര അഡ്മിനിസ്ട്രേറ്റീവ് ട്രിബ്യൂണലിന്റെ ഉത്തരവ് സഹിതമാണ് ചീഫ് സെക്രട്ടറിക്കും പൊതുഭരണവകുപ്പിനും കത്ത് നല്കിയത്.
സംസ്ഥാനസര്ക്കാര് മൂന്നുവട്ടം സസ്പെന്ഡ് ചെയ്ത ഡി.ജി.പി. ജേക്കബ് തോമസിനെ അടിയന്തരമായി സര്വീസില് തിരിച്ചെടുക്കാന് കേന്ദ്ര അഡ്മിനിസ്ട്രേറ്റീവ് ട്രിബ്യൂണല് കഴിഞ്ഞദിവസമാണ് ഉത്തരവിട്ടത്. പോലീസില് ഒഴിവില്ലെങ്കില് തത്തുല്യമായ തസ്തികയില് നിയമിക്കണമെന്നും ട്രിബ്യൂണല് നിര്ദേശിച്ചിരുന്നു.