ഇന്ന് ഇന്ത്യ ഇംഗ്ലണ്ട് മത്സരം | ഇന്ത്യ ഓറഞ്ച് ജേഴ്സിയിൽ

News Desk

30 June 2019 10:52 AM

ആതിഥേയരായ ഇംഗ്ലണ്ടും ലോകക്കപ്പ് 2019ൽ ഇതുവരെ തോൽവിയറിയാത്ത ഇന്ത്യയും തമ്മിലാണ് ഇന്നത്തെ മത്സരം. ഇന്ത്യൻ സമയം 3 മണിക്ക് എഡ്ജ്ബാസ്റ്റണിലാണ് മത്സരം. ലോകകപ്പിൽ ഏഴ് കളികളിൽ നിന്നും 8 പോയിന്റ് നേടിയ ഇംഗ്ലണ്ട് ഇപ്പോൾ അഞ്ചാം സ്ഥാനത്താണ്. മൂന്ന് മത്സരങ്ങളിൽ തോൽവിയറിഞ്ഞു. അതെ സമയം ഇന്ത്യ കളിച്ച ആറ് കളികളിൽ അഞ്ചും ജയിച്ചു 11 പോയിന്റുമായിമ രണ്ടാമതാണ്. ന്യൂസിലന്റുമായുള്ള മത്സരം മഴ കാരണം ഉപേക്ഷിക്കുകയായിരുന്നു.

തുടരെ നാല് ജയങ്ങൾക്ക് ശേഷമാണു ഇംഗ്ലണ്ട് തുടരെ മൂന്ന് തോൽവി അറിഞ്ഞത്. ഇന്ത്യ - അഫ്ഘാനുമായുള്ള മത്സരത്തിൽ കുറച്ചു നിറംമങ്ങിയത് ഒഴിച്ചാൽ ടീം ശക്തമാണ്. നാലാം നമ്പർ ബാറ്റിംഗ് പൊസിഷൻ മാത്രമാണ് ഇന്ത്യയെ അലട്ടുന്നത്. ഇന്നത്തെ മത്സരത്തിൽ റിഷാബ് പന്തിനെ ഉൾപെടുത്തിയേക്കും. 2 മത്സരത്തിൽ നിന്നും 8 വിക്കറ്റ് നേടിയ ഷമിയെ ഉൾപ്പെടുത്തിയാൽ പരിക്കിൽ നിന്നും മുക്തമായ ഭുവനേശ്വർ കുമാർ ഇന്നും പുറത്തിരിക്കേണ്ടി വരും.

ലോകകപ്പിലെ ഇന്ത്യ– ഇംഗ്ലണ്ട് പോരാട്ടങ്ങൾ.
ആകെ മൽസരങ്ങൾ: 7
ഇന്ത്യ ജയിച്ചത്: 3
ഇംഗ്ലണ്ട് ജയിച്ചത്: 3
ടൈ: 1