ആകാശ യാത്രക്ക് ഇന്ധനമായി ഹൈഡ്രജനും

News Desk

31 May 2019 12:00 AM

ലോസ് ഏഞ്ചൽസ് : ആകാശയാത്രക്ക് ഹൈഡ്രജൻ ഇന്ധനമായി ഉപയോഗിക്കാൻ കഴിയും എന്ന് തെളിയിക്കുകയാണ് അമേരിക്കയിലെ അലകായി ടെക്‌നോളജീസ്. കഴിഞ്ഞ 4 വർഷത്തെ പരീക്ഷണങ്ങൾക്ക് ശേഷമാണു "സ്കായി" എന്ന ഈ എയർക്രാഫ്റ്റ് കമ്പനി ഇറക്കുന്നത്. 6 റോട്ടറുകളാണ് എയർക്രാഫ്റ്റിനു ഉള്ളത്. ഇവ പ്രവർത്തിപ്പിക്കാൻ ഹൈഡ്രജൻ ഫ്യൂൽ സെല്ലാണ് ഉപയോഗിക്കുന്നത്.

5 പേർക്ക് സഞ്ചരിക്കാൻ കഴിയുന്ന ഈ വാഹനം 454 കിലോഗ്രാം വരെ വഹിക്കാൻ കഴിയും.ഒറ്റത്തവണ ഇതിനു സഞ്ചരിക്കാൻ കഴിയുന്നത് 644 കിലോമീറ്ററാണ്.ഇത്തരം വാഹനങ്ങൾ എയർ ടാക്സിയായി ഉപയോഗിക്കാൻ കഴിയും എന്നാണ് കൊമ്പനായ സിഇഒ സ്റ്റീവ് ഹാൻവെ പറയുന്നത്.

ബിഎംഡബ്ല്യൂ ഡിസൈൻ ടീമായ ഡിസൈൻവർക്സുമായി സഹകരിച്ചാണ് "സ്കായി" രൂപകൽപ്പന ചെയ്തിരിക്കുന്നത്.