പഠിക്കാന് ആഗ്രഹിക്കുന്ന എല്ലാവര്ക്കും പ്ലസ്ടു സീറ്റ്: മന്ത്രി സി. രവീന്ദ്രനാഥ്
തിരുവനന്തപുരം: പ്ലസ്ടു പ്രവേശനത്തിന് കോവിഡ് വ്യാപനം പ്രതിസന്ധിയാകില്ലെന്ന് വിദ്യാഭ്യാസ മന്ത്രി സി. രവീന്ദ്രനാഥ്. ഓണ്ലൈനിലൂടെയാണ് പ്ലസ്ടു പ്രവേശന നടപടികള് കൈകാര്യം ചെയ്യുന്നത്. അതിനാല് തന്നെ കുട്ടിക്ക് സ്കൂളുകളില് എത്താതെ തന്നെ പ്രവേശനം നേടാമെന്നും മന്ത്രി അറിയിച്ചു.
പ്ലസ്ടുവിന് പഠിക്കാന് ആഗ്രഹമുള്ള എല്ലാ കുട്ടികള്ക്കും സീറ്റുണ്ടാകും. സിബിഎസ്ഇ വിദ്യാര്ഥികള്ക്കും പ്ലസ്ടു സീറ്റ് ലഭിക്കുമെന്നും മന്ത്രി പറഞ്ഞു. എസ്എസ്എല്സി പുനര്മൂല്യനിര്ണയത്തിന് ജൂലൈ രണ്ട് മുതല് ഏഴു വരെ അപേക്ഷിക്കാമെന്നും അദ്ദേഹം കൂട്ടിച്ചേര്ത്തു. പ്ലസ് വണ് ക്ലാസുകള് ഓണ്ലൈനായി നടത്തും. നിലവിലുള്ള ഓണ്ലൈന് പഠനത്തിന്റെ പോരായ്മകള് നികത്തും. കുട്ടികളുടെ പാഠപ്പുസ്തകങ്ങള് ഉടന് എത്തിക്കുമെന്നും മന്ത്രി അറിയിച്ചു. സേ പരീക്ഷാ തീയതി പിന്നീട് പ്രഖ്യാപിക്കും. കോവിഡ് മൂലം പരീക്ഷ എഴുതാതിരുന്ന കുട്ടികള്ക്ക് റെഗുലറായി തന്നെ പരീക്ഷ എഴുതാനാവും. ഫിസിക്സ്, കെമിസ്ട്രി, കണക്ക് പരീക്ഷകള് റെഗുലറായി എഴുതാം.